Шишич Фердо
Шишич Фердо(9.3.1869- 21.1.1940)- Югославия тарихшысы, Оңтүстік славян ғылым және өнер академиясының толық мүшесі (1910 жылдан). Ұлты-хорват. 1900 жылдан философия докторы. 1908-1909 жылдары Загреб университетінің ұлттық тарих кафедрасында штаттағы негізгі, ал 1910-1939 жылдары штаттағы профессоры, Хорват-серб коалициясының (1905 жылдың аяғында құрылған) белсенді мүшесі. 1908 жылы ол хорват сейміне депутат, ал 1910 жылы венгр-хорват соборына делегат болып сайланды. Зерттеуші ретінде ол қоғамның дамыуы оның заңдарымен емес, қайта адамдардың ерікті еркімен және кейдесоқ жағдайымен анықталады деп санайтын методологияны басшылыққа алды. Фердо Шишич Хорватиясының тарихы жөнінен, жеке мәселелер жайында еңбектер жазды, бірсыпыра деректемелер жариялады.
Дереккөздер[өңдеу | қайнарын өңдеу]
Қазақ Совет Энциклопедиясы