Ши түбіндегі баталасу

Уикипедия — ашық энциклопедиясынан алынған мәлімет
Навигацияға өту Іздеуге өту

«Ши» түбіндегі баталасу - дұшпандарының Абайға қарсы күреспек болып сөз байласуы. Мұрын деген кісінің қызы Сыбандағы атастырған адамына бармай, сүйген жігітіне қашып кетеді. Екі ел арасына бітім айтуға Абай жіберген Жиренше мен Оразбай Сыбан жағының билікке риза болмай, «Жол осы ма еді. Кеңгірбай әруағы қайдасың?!» деп ұран тастап, әруақ шақырғанын айтып келеді. Бұған Абай: «Кеңгірбайдан ел әділдік көрген жоқ. Ел ішінде ол «қара қабан» атанған» деп реніш білдіреді. Абайдың бүл сөзін Кеңгірбайды тілдеу деп түсінген Оразбай, Жиренше, Байғұлақ, Күнтулер - барлығы 16 атқамінер Жиренше қыстауының іргесіндегі «Ши» деген жерде Абайға қарсы топ құрып, Кеңгірбай аруағын атасып, бейіті алдында баталасады. Осы анттасудың нәтижесінде Күнту болыс болып сайланды.[1]

Дереккөздер[өңдеу | қайнарын өңдеу]

  1. Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9