Шолақ-Түзуақтас мыс кен орны
Шолақ-Түзуақтас мыс кен орны – Іле өзені алабында төменгі палеозой жанартаулық белдемде орналасқан бірнеше кен білінімдерін (Шолақ, Мысты, Дардамты, Түгелбай, Жыланды, т.б) біріктіретін алаң.
Ондағы саф мыс білінімі бар бөлікшелер төменгі пермьдік бозмойнақ шоғырының бадамша тасты базальт порфиритінде орналасқан. Бұл тау жыныстары Кетпен антиклинорийінің оңтүстік қанатын құрайды.
Жатыс сипаты, минералдануы[өңдеу | қайнарын өңдеу]
Қабаттардың еңістену бұрышы 15-35°, жарылым белдемдерінде 50°-қа жетеді. Бадамша тастар дөңгелек, эллипс тәрізді, кейде бұрыс пішінді, ұзындығы 3-10 мм болады. Оларды опал, цеолит, кальцит, кварц, пренит пен саф мыс толықтырады. Кеннің минералдануы екі түрге бөлінген: базальт порфириті жамылғысының жоғары кеуекті бөлігіндегі майда шашыранды және тау жыныстарындағы жарықшақтар мен уатылу белдемдері. Жарықшақты және уатылу белдемдеріндегі желілердің ұзындығы 150-200 м, қалыңдығы ондаған м-ге жетеді.[1]
Дереккөздер[өңдеу | қайнарын өңдеу]
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |