Шолпаншаш

Уикипедия — ашық энциклопедиясынан алынған мәлімет
Jump to navigation Jump to search
Шолпаншаш
Adiantum aleuticum
Ғылыми топтастыруы
Дүниесі: Өсімдіктер
Бөлімі: Pteridophyta
Табы: Pteridopsida
Сабы: Polypodiales
Тұқымдасы: Pteridaceae
Кіші тұқымдасы: Vittarioideae
Тегі: Adiantum
L.

Шолпаншаш – адиантум тұқымдасына жатады. Отаны – тропикалық Америка және субтропикалық Еуразия аймақтары. Шолпаншаш Adiantum capillus-veneris) әдемі жапырақты өсімдік. Қырыққұлақтардың ішінде жапырағының өте нәзіктігімен ерекшеленеді. Еуропалықтар шолпаншашты әдемі шілтер секілді, жеңіл, салмақсыз үлпілдеген жапырақтары үшін «Бойжеткен шашы» деп атайды. Көлемі 1 см болатын ұсақ жапырақтарының пішіні желпуіш тәрізді, жиектері иректеліп келген. Сабақ бойына ұсақ жапырақтары қатар-қатар орналасқан. Жақсы күтім көрсетілген жағдайда бойының биіктігі 60 см-ге дейін жетеді. Шолпаншаштың жапырағының әдемілігі соншалық, оны көбіінесе үйлену тойларында қалыңдық гүлшоғырын қолданады.

Жарығы:[өңдеу]

Тіке түскен күн сәулесінен қорғау керек. Алакөлеңкеде өседі.

Жылуы:[өңдеу]

қыста 150С төмен болмағаны жөн. Жел өтінен сақтау керек.

Ылғалдылығы:[өңдеу]

ылғалдылықтың жоғары болғанын қалайды, сондықтан жапырақтарына жиірек су бүркіп ылғалдандырып тұрған дұрыс.

Қоректендірілуі:[өңдеу]

көп қоректендіргеннен жапырақтары сарғайып кетеді. Сол себепті, әдемі жапырақты өсімдікке құйылатын тыңайтқыштың мөлшерінен екі есе аз қолданып, айына бір рет қоректендіріп тұрған жөн.

Аурулары:[өңдеу]

Ауа қатты құрғап кетсе, өрмекші және өсімдік битінен зиян шегеді.

Көбейтілуі:[өңдеу]

Үлкейіп өскен шолпаншашты түбін бөлу арқылы көбейтеді. Жылыжайлада жапырағының астындағы спораларымен де көбейтуге болады.

Сілтемелер[өңдеу]

Дереккөздер[өңдеу]

"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727