Шошқажаңғақ-емен жемісі
Шошқажаңғақ-емен жемісі. Әр жаңғақта ұрықты бір тұқым және қоректік заттары бар ет-женді екі тұқым жарнағы болады. Шошқажаңғақ кыркүйек-қазанда піседі, суық түскен кезде төгіліп түседі. Шошқажаңғақты себу үшін күзде ағаштан түскен кезде жинап, +3°,-2° температурада құмға көміп сақтайды. Шошқажаңғақ көбіне малға (шошқа жақсы жейді) жем ретінде пайдаланылады. Қысқа сақтау үшін әбден кептіреді. Кептірілген шошқажаңғақтың қабығын аршып, ұнтақтайды. Құрамында протеин аз, крахмал мол; 10 кг қабығы аршылмаған жас шошқажаңғақта 70 азық өлшемі және 2,5 кг қорытылған протеин, қабығы аршылған кепкен шошқажаңғақтың 100 кг-нда 115 азық өлшемі және 4,3 кг қорытылатын протеин болады. Шошқажаңғақтың құрамында тұтқыр илік зат бар. Малға кебек, сірне т.б. қосып беріледі.
Дереккөздер[өңдеу | қайнарын өңдеу]
Қазақ энциклопедиясы