Шоқан Уәлиханов көшесі (Астана)

Уикипедия — ашық энциклопедиясынан алынған мәлімет
Jump to navigation Jump to search

Шоқан Уәлиханов көшесі Александр Бараев көшесінен басталып, Ықылыас Дүкенұлы көшесінде аяқталады. Рамазан, Жәнібек тархан, Ақмола, Ағыбай батыр, А.Имамов, Баянауыл, Мұхаммед Дулати, Кенесары, Отырар, Абай даңғылын, Жамал Омаров, Сәкен Сейфуллин, Қарағанды, Әліби Жангелдин көшелері қиып өтеді. Ұзындығы -2478,1 м.

Шоқан Уәлиханов (1835-1865) - қазақтың ұлы ғалымы, ағартушы, шығыстанушы, тарихшы, этнолог, географ, фольклортанушы, суретші. Омбы кадет корпусын бітірген. «Қозы Көрпеш - Баян сұлу», «Едіге» жырларының нұсқаларын хатқа түсірді. 1856-57 жылғы алғашқы саяхаттарын «Ыстықкөл сапарының күнделігі», «Қытай империясының батыс провинңиясы мен Құлжа қаласы», «Қырғыздар туралы жазбалар» атты еңбектерінде баяндайды. Шоқан Уәлихановтың «Алты шаһардың яғни Қытайдың Нан-Лу провинциясының шығыстағы алты қаласының жайы атты» еңбегі - Шығыс Түркістан халықтарының тарихына, географиясына, әлеуметтік қүрылысына арналып, заман ғылымының биік деңгейінде жазылған әлемдегі тұңғыш зерттеу жұмысы болды. Оның «Абылай», «Қазақтың шежіресі», «Шона батыр», «Қазақтың көші-қоны» сияқты қазақтың тарихы мен этнографиясына, қазақ даласының әлеуметтік-саяси қатынастарына арналған еңбектерінің мәні зор.

Бұл көшеде Алматы ауданы бойынша Салық комитеті, «Ботагөз» сауда үйі, «Мастер» құрылыс заттарының орталығы, «Жасыбай» қонақүйі, «Әлем» сауда орталығы орналасқан.[1]

Дереккөздер[өңдеу]

  1. Астана көшелері /Құрастырушы: Е. Тілешев, О. Сүлейменов. Алматы: 2008. ISBN 9965-32-642-8

Сыртқы сілтемелер[өңдеу]