Шығару сыйлықтары (экспорттық)

Шығару сыйлықтары (экспорттық) - белгілі бір тауарларды экспорттаушыларға берілетін қаржы жеңілдіктері. Шығару сыйлықтарының көмегімен мемлекеттер тауарлардың шетке неғұрлым мол шығарылуына жағдай жасап, экспорттаушылардың тауарларды сыртқы рынокқа неғұрлым төмен бағамен шығаруын қамтамасыз етіп отырады, мұның өзі осы тауарлардың бәсекелестік қабілетін арттырады. Сөйтіп, олардың рынокты «жаулап алуына» көмектеседі. Шығару сыйлықтарының ашық және жасырын түрлері болады. Ашық шығару сыйлығы белгілі бір тауарларды шетке шығарғаны үшін экспорттаушыларға ақшалай жәрдемді білдіреді. Жасырын шығару сыйлығы тауар экспорттаушылар жанама және кейбір тікелей салықтардан, сондай-ақ әлеуметгік қорларға қосуға тиіс жарналардан босатылады, кеден алымдары қайтарылып, экспорттық келісімдердегі есептесулерде жеңілдіктерге ие болады.