Шығын лимиті

Шығын лимиті (фр. limite — шекара, шек) —

• 1) Бірлестіктерге (құрамаларға, бөлімдерге, кемеге) белгілі бір кезенде (жыл, тоқсан, ай) жауынгерлік және саяси дайындығын қамтамасыз ету үшін немесе операцияға (ұрысқа) жұмсау үшін болмаса жекеленген шараларды (жаттығулар, маневрлер, қайта орналасу) өткізу үшін бөлінетін материалдық құралдардың шектелген мөлшері. Шығын лимиті қарулы күштердің бөлінген материалдық құралдарды тиімді, дұрыс пайдалануы мақсатында белгіленеді, дайындалған әдістемелердің негізінде бірлестіктің (бөлім, құрамалардың) жауынгерлік және сандық құрамы орындайтын міндеттердің сипаты мен көлемі, оларды орындау шарттары, материалдық ресурстар, тасымалдау мүмкіндіктері туралы және басқа да мәліметтер есепке алынып анықталады. Шығын лимиті әскерлерге (күштерге) лимитті белгілейтін басшылыктың директивалары (бүйрыктары) түрінде жеткізіледі. Басты бағытта әрекет етуші әскерлерге шығын лимиті баскаларға караганда көбірек белгіленеді.

• 2) авиацияның, сауытты танктің, автотрактордың және баска техниканың операцияда (ұрыста) немесе күнделікті өмірде, белгілі бір кезендегі жауынгерлік және саяси дайындықты немесе жекеленген шархдарды өткізу үшін (жаттығулар, маневрлер, т.б.) пайдаланатын ресурстардың шектелген нормасы. Материалдық құралдардың шығын лимиті сияқты белгіленеді. Ресурстар шығынының лимиті көлік автомобильдерінін жүріс километрлері бойынша, қалған техникада циклы, сағаты немесе мотосағаты (километрі) бойынша анықталады.