Шығыс Нормауыл мұнай-газ конденсат кен орны

Уикипедия — ашық энциклопедиясынан алынған мәлімет
Jump to navigation Jump to search


Шығыс Нормауыл мұнай-газ кен орны
Ел Қазақстан
АймақМаңғыстау облысы
Ашылған уақыты1986 жыл
Жер қойнауын пайдаланушыЖетібаймұнайгаз

Шығыс Нормауыл мұнай-газ конденсат кен орныОңтүстік Маңғыстау ойысымының Өзен-Жетібай антиклин баспалдағындағы мұнай-газ конденсат кен орны. Жаңаөзен қаласынан солтүстік-шығыста 63 км жерде орналасқан. 1986 жылы ашылған.

Иеленушілері[өңдеу]

Қазақстан Жетібаймұнайгаз (Қазақстан Маңғыстаумұнайгаз (Нидерланд Mangistau Investments B.V. (51% ҚазақстанҚазмұнайгаз/49% ҚытайCNPC))

Геологиялық құрылымы[өңдеу]

Жоғарғы триастың шағылдырушы беті бойынша кенорынды сыйыстырушы құрылым (-3300 м-лік изогипса) өлшемдері 4x12 км, ендікке жуық бағытта созылған брахиантиклин қатпар. Ашық кеуектілігі 13-14%, өтімділігі 0,05 мкм2 ұсақ түйірлі құмтастардан құралған жоғарғы триас шөгінділері енімді. Қалыңдығы 250 м немесе одан да асатын тығыз саз будасы жапқыш рөлін атқарады.

Жатыс сипаты[өңдеу]

Жатындар қойнауқаттық, тектоникалық тұрғыдан қалқаланған. Батыс көтерілімнің шетінде биіктігі 60 м газ жатыны анықталған. Өнімді горизонттардың тиімді газға қаныққан қалыңдығы 9,8 м, газға қанығу коэффициенті 0,88. Газ-су жапсары -3272 м-лік белгіде. Шығыс көтерілім мұнайлы. Оның жинауыштарының жалпы қалыңдығы 29,6 м, тиімді мұнайға қаныққан қалыңдығы 7,2 м. Жатынының биіктігі 30 м, ауданы 3,3 км2, мұнайға қанығу коэффициенті 0,71. Су-мұнай жапсары -3125 м-лік белгіде орныққан. Мұнайдың шығымы 12 м3/тәу. Бастапқы қойнауқаттық қысым газ жатынында 37,48 Мпа, мұнай жатынында 35,19 Мпа, температура 120°С.

Құрамы[өңдеу]

Мұнайдың тығыздығы орташа (861 кг/м3), мол парафинді (28%), 0,57% асфальтендері, 3,63% силикагельдік шайырлары бар. Мұнайда еріген газы ауыр, этан мөлшері 17%. Ауыр көмірсутектер 28%, метан 69,7%. Аз мөлшерде азот (1,9%) және көмір қышқылы (0,2%) бар. 15 мм-лік штуцердегі шығымы 182 мың м3/тәу, еркін газдың абсолют тығыздығы 0,943, ауада 0,841.

Құрамы жағынан газы ауыр, этан-пропанды, ауыр көмірсутектер мөлшері 21%-га жетеді. Азот пен көмірқышқыл газының мөлшері, тиісінше, 1,2 және 0,3%. Конденсаттың тұрақты мөлшері 12-15 г/м3-ді құрайды. Қойнауқаттық сулары хлоркальцийлі типті жоғары минералданған тұздықтар болып келеді. Кен орны 1988 жылдан бері игерілуде.[1]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1