Шұғыл әрекетті топ
Навигацияға өту
Іздеуге өту
Шұғыл әрекетті топ –
- майдан өңіріндегі немесе жекелеген операциялық бағытта әрекет етуші майдан (армия) әскерлері бөлімінің уақытша біріктірілуі. Шұғыл әрекетті топ құрудың ерекше кең таралуы Екінші дүниежүзілік соғыс жылдарында, әсіресе, Мәскеу және Сталинград түбіндегі шайқастарда болды. Оның қажеттілігі көбінесе жолы қиын жергілікті жерлерде ұрыс қимылдарын жүргізген кезде туындап отырды. Шұғыл әрекетті топтың құрамы шешуші тапсырманың жағдайы мен сипатына байланысты жасақталады. Оның құрамына кіретін әскерлердің ұрыс қимылдарына басшылық жасау үшін арнайы қолбасшы (командир, бастық) тағайындалды. Басқару ұйымы ретінде оның құрамына кіретін бірлестіктер (құрамалар) штабтарының бірі пайдаланылады.
- Әскерлер әрекетіне жетекшілік жасау үшін құрама штабтарына жіберілген байланыс құралдары бар офицерлер тобы. Оларға басты күштерден қол үзіп, жекелеген тапсырманы орындаушылар жатады (әскерді қайта топтастыру, жаңа ауданда шоғырландыру, майданның алыс өңірінде ұрыс қимылдарын жүргізу кездерінде). Мұндай жағдайда шұғыл әрекетті топ құрамы мен оны жарақтандыру орындалатын тапсырманың міндет-мақсаты мен сипатына байланысты.
Сілтемелер[өңдеу | қайнарын өңдеу]
"Қазақ Энциклопедиясы", 9 том
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|