Шәменов Атамұрат

Шәменов Атамұрат Мөрәліұлы (5 Қаңтар 1951 жылы туған, Қызылорда қаласы) – экономика ғылымының докторы.

Өмірбаяны:

Экология.

• 1974 Мәскеу малдәрігерлік академиясын бітірген;
• 1996 ҚазМУ-ды (қазіргі ҚазҰУ) бітірген;
• 1996 Қазақ құқық және халықаралық қатынастар институтын бітірген. Еңбек жолын жұмысшы болып бастаған;
• 1974–1983 ЛКЖО Қызылорда обкомында нұсқаушы, қазіргі Қызылорда мемлекеттік универcитетінде оқытушы, Қазақстан ЛКЖО ОК-де бөлім меңгерушісі;
• 1983–1987 Қазақ КСР-і Министрлер Кеңесі төрағасының көмекшісі;
• 1987–1990 Қазақ КСР-і Министрлер Кеңесі Іс басқармасының аға нұсқаушысы, бас маман;
• 1990–1994 Қазақ КСР-і Президентінің ұйымдастыру мәселелері жөніндегі көмекшісі, Қазақстан Республикасы Президенті мен Министлік Кабинет аппаратында бөлім меңгерушісі;
• 1994–1997 Қазақстан Республикасы Гидрометеорология бас басқармасының бастығы;
• 1997 Қазақстан Республикасы Экология және биоресурстар министрлігіне қарасты агенттіктің директоры;
• 1998–1999 «Қазгидромет» республикалық кәсіпорнының бас директоры, Қазақ қоршаған орта мен климат мониторингі ғылыми-зерттеу институтының директоры;
• 2000–2001 Батыс Қазақстан облысы әкімінің орынбасары;
• 2001–2002 «Наурыз Фуд» жабық акционерлік қоғамының төрағасы;
• 2002–2003 Қазақстан Республикасы Қоршаған ортаны қорғау министрлігіне қарасты департамент директоры;
• 2003–2005 Қазақстан Республикасы Президенті жанындағы басқарушы кадрлар даярлау институтының директоры, кафедра меңгерушісі болып жұмыс істеді;
• 2005 жылдан Алматы заң академиясында кафедра меңгерушісі қызметін атқарады.