Шәмша Көпбайқызы Беркімбаева

Уикипедия — ашық энциклопедиясынан алынған мәлімет
(Шәмша Беркімбаева бетінен бағытталған)
Jump to navigation Jump to search

Шәмша Көпбайқызы Беркімбаева (10. 10.1942 жылы Алматы облысы Қаскелен ауданы Тұрар ауылы) ғалым, қоғам қайраткері [1]

Қазақ мемлекеттік Қыздар педагогикалық институтын (1966 жылы), СОКП Орталық Комитеті жанындағы Қоғамдық ғылымдар академиясын бітірді (1984 жылы). 1966-1968 жылдары Алматы облысы, Тұрар ауылының Киров атындағы сегіз жылдық мектебінде орыс тілі мен әдебиеті пәнінің мұғалімі, 1968-1970 жылдары Алматы кооператив техникумының комсомол комитетінің хатшысы, 1970-1971 жылдары Алматы облыстық комсомол комитетінде бөлім бастығы, 1971-1977 жылдары Қаскелен аудандық комсомол комитетінің Алматы облыстық комсомол комитетінің бірінші хатшысы болды. 1977-1987 жылдары Алматы қаласының Совет аудандық партия комитетінің бірінші хатшысы, Алматы облысы партия комитетінің хатшысы қызметінде болды. 1987-1989 жылдары Алматы қаласының №12 орта мектебінің директоры, 1989-1997 жылдары ҚР Білім министрінің орынбасары, 1997-1999 жылдары Қырғыз Республикасындағы Қазақстан елшілігінің бірінші хатшысы, Алматы облысы Оқу баскармасының бастығы қызметтерін аткарды.

1999-2002 жылдары ҚР Парламент Сенатының депутаты, 2002-2003 жылдары ҚР Білім және ғылым министрі болды. 2003 жылы Қазақ мемлекеттік қыздар педогогикалық институтының ректоры. Осы оқу ордасының университет мәртебесін алуы, компьютерлік технология орталығының, жаңа үлгідегі "Студенттер үйінің" салынуы және университеттің үшінші оқу корпусы, 5 жатақхананың, асхананың күрделі жөндеуден өтуі, 33 кафедра, 7 факультет, 42 мамандық бойынша бакалавриат, 19 мамандық бойынша магистратура ашылуы, оқу лабораториялары, техникалық окыту жабдықтарының, бүкіл жиһаздардың жаңаруы осы жылдар үлесінде.

Қазақ КСР Жоғары Кеңесінің 10 шақырылымының депутаты, Қазақстан Компартиясының 15-16 съездерінің делегаты. "Нұр Отан" партиясы Саяси кеңесінің, ҚР Ұлттык Кеңесінің мүшесі болды.

Жетістіктері[өңдеу]

  • "Құрмет белгісі" (1981 жылы),
  • "Еңбек Қызыл Ту" (1976 жылы),
  • "Құрмет" (2001 жылы) ордендері,
  • "За доблестный труд" (1970 жылы),
  • "За трудовое отличие" (1972 жылы) медальдары,
  • Қазақ ССР Жоғарғы Кеңесінің Грамотасымен (1970 жылы),
  • Қазақ ССР Жоғарғы Кеңесі Президиумының Құрмет грамотасымен (1975 жылы),
  • "Қазақстанның еңбек сіңірген қызметкері", Халықаралық Сократ сыйлығының иегері, Халықаралық педагогикалық Білім академиясының академигі.
  • "ҚР білім беру ісінің құрметті қызметкері", "ҚР ғылымын дамытуға сіңірген еңбегі үшін" белгілері, "Ы. Алтынсарин", "А. Байтұрсынов" атындағы күміс және алтын медальдардың иегері.


Дереккөздер[өңдеу]

  1. Қазақ Телевизиясы. Энциклопедия. Алматы: "ҚазАқпарат" 2009, 1-т: 640 бет, ISBN №978-601-03-0070-5