Шәміл Әбдірахманұлы Фахрутдинов

Шәміл Әбдірахманұлы Фахрутдинов 1952 жылы 22 мамырда Қостанай қаласында туған. Татар. Әкесі - Фахрутдинов Әбдірахман Абдоллаұлы (1918-2000), Ұлы Отан соғысының ардагері, инженер-жолшы болып жұмыс істеді. Анасы - Нығматулина Зайтуна Фазылқызы (1917-2008), есепші болып жұмыс істеді. Қызылорда педагогикалық институтының шетел тілдері факультетін бітірген (1974), француз тілінің мұғалімі; Челябі Мемлекеттік өнер және мәдениет Академиясын театр және теледидар режиссері мамандығы бойынша бітірген (2009). 1988 жылдан - «Карнавал» би ансамбілінің жетекшісі. 2007 жылдан бері - «Карнавал» хореографиялық мектебі» авторлық жобасын жасады. Басқарған ұжымы - көптеген халықаралық сайыстар мен фестивальдардың жеңімпазы (Қазақстан, Ресей, Украина, Швеция, Франция, Финляндия, Болгария, Польша, Венгрия, Германия, Чехия) болған. Қазақстандық және ресейлік эстрада жұлдыздарының шығармашылық жобаларына үнемі қатысады. «Ерен еңбегі үшін» (2001), Ы. Алтынсарин атындағы (2008), «Мәдениет қайраткері» (2007) медальдармен, «Қазақстан Республикасының білім беру ісінің үздігі» (1992), «Ағарту саласының құрметті қызметкері» (2006) белгілерімен марапатталған. ҚР Президенті алғыстарымен ескерілген (2001, 2005). Қазақстанның Еңбек сіңірген қайраткері (2008). Діни көзқарасы - мұсылман. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Жоғары дамыған экономикалық демократиялық мемлекет». Хоббиі - көркем әдебиет оқу. Үйленген. Жұбайы - Фахрутдинова Вера Апександровна, мұғалім. Ұлы - Марат (1992 ж. т.).