Шөжелер тұқымдасы

Шөжелер тұқымдасы
Regulus calendula
Ғылыми топтастыруы
Дүниесі: Жануарлар Жамағаты: Хордалылар Табы: Құстар Сабы: Торғайтәрізділер Тұқымдасы: Regulus Cuvier, 1800

Шөже тұқымдасы (лат. Regulidae) – торғайтәріздес құстар отрядына (Қазақстанда ұсынылған 23 тұқымдастан) жататын 73 тұқымдастың біреуі.

Сыртқы көрінісі бойынша шымшықтар немесе сарықастарды еске түсіретін ең кішкене денелі құстардың бірі. Бұлар – нағыз орман құстары, ағаштардың бөрікбасында көбірек жүреді, жерге өте сирек түседі. Жабын қауырсындары – жұмсақ, үлпілдек. Ұсақ бунақденелілерді жейтін құстарға арналған жіңішке, қысқа тұмсықты болып келеді. Қыста бунақденелілерден басқа да әр алуан тұқымдарды жейді. Реңінде шұбарлық жоқ, алайда әдемі түстер көбірек қатысады. Аталықтары әдетте аналықтардан қанығырақ боялған. Өте сақ құс, қылқанды ағаштар мен бұталардың бөрікбастарына ұяларын жақсы жасырады. Отырықшы және көшпенді құстар болып саналады.

Еуразия, Солтүстік Африка және Солтүстік Американың қылқанды ормандарында таралған 3 туыстан, шөже тұқымдастарда 5-6 түр бар. Қазақстанда екі туыстан – шөжелер туысы және бір түрден тұратын әсем шымшық туыстарынан екі түр кездеседі.