Алексей Викторович Щусев

Алексей Викторович Щусев

Алексей Викторович Щусев (8 қазан, 1873, Кишинев қаласы – 24 мамыр, 1949, Мәскеу қаласы) – архитектор, КСРО-ның еңбек сіңірген архитекторы (1930), Санкт-Петербург Көркемсурет академиясының (1910) және КСРО ғылым академиясының (1943) академигі.

Өмірбаяны

• 1891 – 97 жылдары Санкт-Петербургтің Көркемсурет академиясында (Л.Н. Бенуа мен И.Е.Репиннен) оқыған.
• 1897 – 98 ж. Италия, Тунис, Англия мен Францияны аралап, Париж қаласындағы Жюлиан академиясында суреттен дәріс алды. “Жаңа Мәскеу” жобасының бас архитекторы (1918 – 25),
• Мәскеу архитекторлары қоғамының төрағасы (1922 – 29),
• Третьяков галереясының директоры (1926 – 29),
• Мәскеу қаласындағы орыс архитектурасы мұражайын ұйымдастырушы әрі директоры (1946 – 49) болды.
• 1920 – 50 жылы нағыз кемелдену сатысына көтеріліп, қала салу ісіне елеулі еңбек сіңірді.

• ВХУТЕМАС (1914 – 24) пен Мәскеу архитектура институтында (1948 – 49) ұстаздық етті.

Еңбектері

Басты еңбектері:

• Мәскеу қаласындағы Қазан вокзалы (1914 – 26; 1941)
• В.И. Ленин мавзолейі (1924 – 30)
• бұрынғы Наркомзем ғимараты (1928 – 33)
• “Мәскеу” қонақ үйі (1932 – 35, басқа архитекторлармен бірге);
• Тбилиси қаласындағы бұрынғы партия тарихы институтын (1933 – 38)
• Батуми (1934 – 38) қаласындағы қонақ үй

• Баку (“Интурист”, 1937 – 38) қаласындағы қонақ үй

• Кишинев (1949) қаласындағы қонақ үй
• Ташкент қаласындағы Үлкен опера және балет театрын (1938 – 47)
• Алматы қаласындағы ҚР ҰҒА ғимаратын (1947, басқа архитекторлармен бірге) салу ісінде ұлттық сәулет өнері ырғақтарын ұтымды қолданды.

Ол архитектура мәселелері туралы 200-ден астам мақалалар жазды.

Марапаттары

• КСРО Мемлекеттік сыйлығының лауреаты (1941, 1946, 1948; 1952, қайтыс болғаннан кейін).

• Көптеген орден, медальдармен марапатталған.

Галерея

• 
  Куликов алаңындағы Сергий Радоженский храмы
• 
  Мәскеудегі Қазан вокзалы
• 
  Қызыл алаңдағы Ленина мазары
• 
  Наркомзем ғимараты

Дереккөздер

Ортаққорда бұған қатысты медиа файлдар бар: Category:Alexey Shchusev