Ыбырайым Сүлейменов
Ыбырайым Сүлейменов (1908, Сарысу ауданы, Ұйым ауылы – 15 қазан 1943, Ресей, Невель қаласы) – 2-дүниежүзілік соғыс қаһарманы.
Өмірбаяны
[өңдеу | қайнарын өңдеу]Орта жүз Тарақты руынан шыққан. [1]
- Сарысу ауданының «Қызыл Күншығыс» кеңшарында еңбекке араласады.
- 1939 жылы Жамбыл ауданындағы Жамбыл МТС-нде тракторшы болып істейді.
- 1941 жылы Қызыл Армия қатарына шақырылып мергендікке баулынады.
- Калинин майданының сапындағы алғашқы шайқастардың өзінде №470000 мергендік винтовкасымен 79 фашисті жер жастандырады.
- Великие Луки қаласы үшін болған шайқаста 60 жаудың көзін жояды.
1943 жылы күзінде Невель қаласы үшін болған кескілескен шайқаста Сүлейменов 102 фашисті өлтіріп, өзі де асқан ерлік көрсетіп қаза табады. Ержүрек жауынгердің денесі Кеңес Одағының Батыры Мәншүк Мәметовамен бірге Невель қаласының орталығына қойылған.
Марапаттары
[өңдеу | қайнарын өңдеу]- Ленин ордені
- Қызыл Жұлдыз ордені
- «Ерлігі үшін» медалі
Есте сақтау
[өңдеу | қайнарын өңдеу]Оның ерліктері жайлы 3-ші тегеурінді Армияның командирі болған генерал К.Н. Галицкийдің
- «1941 – 44 қаһарлы жылдар шежіресі»
- «Невель түбінде»
- «Автопортрет»,
Қ.Шәріповтің
- «Қатардағы қаһарман»
- «Қаруластар» атты кітаптарында
Б. Адамбаевтың
- «Ыбырайым батыр» атты поэмасында
академик С.Бәйішевтің
- тағы басқа естеліктерінде кеңінен баяндалады.
Есімімен аталады:
[өңдеу | қайнарын өңдеу]- Невель қаласында көше
- Сарысу ауданындағы Ұйым ауылында орта мектеп
- Тараз қаласындағы орталық көшелердің бір[2][3]
Дереккөздер
[өңдеу | қайнарын өңдеу]- ↑ Яһуда Амандықов = Орта жүздің Ноқта ағасы Тарақты шежіресі — Алматы: Комплекс, 2009. — 1120 б. — 2000 таралым. — ISBN 965-611-88-2.
- ↑ А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х
- ↑ Тараз энциклопедиясы