Ылғал сүйгіш шаған

Уикипедия — ашық энциклопедиясынан алынған мәлімет
Jump to navigation Jump to search

Ылғал сүйгіш шаған (лат. Fraxinus potamophila) – зәйтүндер тұқымдасына жататын ағаш. Шарын және Темірлік өзенінің (Іле өзенінің алабы) төменгі ағысында, Қаратаудың ортаңғы бөлігінде (Боралдай өзенінің алабы) және Талас Алатауының солтүстік-батыс сілемінде кездеседі. Биіктігі 25 (35) м. Діңінің диаметрі 1,5 (2,85) м. Қабығы ашық сұр түсті, қыртысты. Бұтақтары қызғылттау қоңыр түсті. Бөрікбасы селдір, қомақты.Және ол тэупой ағаш деп есептеленеді Жапырағының ұзындығы 20 см, жеміс салатын сабағында үш күлтебасы бар, тақ, сирек жұп қауырсын тәрізді (3-6 жұптан). Жалырақшалары жұмыртқа пішінді қандауыр, түбі түксіз, ұшы үшкір, тіс жиекті. Гүлшоғыры шоқ тәрізді, ұзындығы 5 см-дей. Гүлдері 2-3-тен күлтебасында орналасқан. Мамыр-маусымда гүлдеп, шілдеде жеміс салады. Жемісі — қанатжеміс, сопақша келген, ұзындығы 3-3,5 см. Ылғал сүйгіш шаған 300 жылға дейін өседі. Сүрегі бағалы. Сирек кездеседі, реликт түр. Қазақстанның "Қызыл кітабына" енгізілген.[1]

Дереккөздер[өңдеу]

  1. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3