Ымы-жымы

Ымы-жымы. Бұл күндегі түсінігімізде — қулық-сұмдық, айла-тәсіл. «Бұл екеуінің ымы-жымын әзір тірі пенде сезген емес» (3. Ақышев, Жаяу Мұса.). Қос сөздің тұңғыш мағынасы боларлық түсінікті түркі тілдерінің бірі якуттардан кездестіреміз. Оларда «йомджаам» қос сөзі — келісім, қарым-қатынас мағыналарында қолданылады. Қос сөз құрамындағы сөздерді жеке-жеке алсақ мынадай түсініктерді байқаймыз: йәм — келісім; джаам - қатынас. Осыларды еске ала отырып түсіндірсек, «ымы-жымы» қос сөзінің алғашқы мағынасы — «қарым-қатынас, келісімдері бір» сияқты ұғымға сілтейді.