Ырысбек Мәуіт
| Ырысбек Мәуіт | |
 | |
| Туған күні | |
|---|---|
| Туған жері | |
| Азаматтығы | |
| Ұлты | |
| Білімі |
Алтай педагогика колледжі |
| Мамандығы |
Математика пәні мұғалімі |
| Сайты | |
Ырысбек Мәуіт (21 наурыз 1978 жыл, ҚХР, Шыңжаң Көктоғай ауданы) — білім беру саласындағы кәсіпкер, математика пәні мұғалімі. Қазақстандағы ZERDELI ақыл-ой дамыту орталықтары мен мектептер желісінің негізін қалаушы. Қазақстан Республикасы білім беру ісінің құрметті қызметкері.[1] Республикалық математиктер бірлестігінің Президенті.
Өмірбаяны
[өңдеу | қайнарын өңдеу]Білімі
[өңдеу | қайнарын өңдеу]- 1995–1998 жылдары Алтай педагогика колледжін бітірді.
- 1999–2003 жылдары Шыңжан университетін «Қазақ тілі мен әдебиеті» мамандығы бойынша тәмамдады.
- 2006–2008 жылдары Шыңжан оқу-ағарту университетінде математика мамандығы бойынша білім алды.
- 2011–2013 жылдары Л. Н. Гумилев атындағы Еуразия ұлттық университетінде «Математика педагогикалық ғылымдар» мамандығы бойынша магистр академиялық дәрежесін алды.
Педагогикалық қызметі
[өңдеу | қайнарын өңдеу]Ырысбек Мәуітұлының ұстаздық қызметі Қытай Халық Республикасының Алтай аймағы, Көктоғай ауданында басталды. Он жылға жуық уақыт сол жерде еңбек еткен ол 2008 жылы тарихи Отаны — Қазақстанға қоныс аударды. Бұл шешімді екінші баласының қазақ елінде дүниеге келуін қалаған арман-тілегімен байланыстырады.
Қазақстанға келген алғашқы жылдары қиындықтарға тап болды: пәтер жалдап тұрды, көші-қон қаражатын аламын деп делдалдарға алданып қалды, бірнеше мектепке түйіндеме тапсырғанымен жұмыс таба алмады. Дегенмен, дарынды балаларға арналған «Зерде» мектебіне қабылдануы ұстазға жаңа серпін берді. Мұнда ол балаларды олимпиадаларға дайындай бастады. Қосымша табыс табу үшін демалыс күндері жеке сабақтар өткізіп, отбасын асырады.
1998–2008 жылдары ҚХР Көктоғай ауданы Күрті мектебінде мұғалім, кейін директордың оқу ісі жөніндегі орынбасары қызметін атқарды.
2008 жылы тарихи отаны Қазақстанға қоныс аударған соң, 2008–2016 жылдары Астана қаласындағы дарынды балаларға арналған №9 «Зерде» мектебінде қызмет етті.
2011–2013 жылдары Л. Н. Гумилев атындағы Еуразия ұлттық университетінде «Математика педагогикалық ғылымдар» мамандығы бойынша магистр академиялық дәрежесін алды.
2016–2018 жылдары Республикалық физика-математика мектебінде математика пәні мұғалімі болды.
2021 жылы Ыбырай Алтынсарин атындағы Ұлттық білім академиясының Орта білім мазмұны институты Жаратылыстану-математика бағыты пәндері мен STEM технологиялары зертханасында аға ғылыми қызметкер ретінде еңбек етті.
Ғылыми-әдістемелік еңбектері
[өңдеу | қайнарын өңдеу]- «Дарын» республикалық ғылыми-практикалық орталығымен бірлесіп бастауыш сынып мұғалімдеріне арналған «Алтын тұғыр» олимпиадасын өткізеді;
- Мұғалімдерге арналған семинарлар ұйымдастырады; [2]
- Логиканы дамытуға бағытталған әдістемелер мен авторлық кітаптар дайындайды.
- Еңбектері математикадан олимпиадалық есептерді шешу, логикалық тапсырмалар және Ұлттық бірыңғай тестілеуге дайындық бағыттарын қамтиды.
- Олимпиадалық есептерді дәлелдеу мен шешудің кейбір ерекше тәсілдері (Астана: «Дарын» РҒПО, 2014, 173 б.)
- Математика олимпиадасына дайындық бастамалары (Астана: «Асыл кітап», 2017, 132 б.)
- Бастауыш математикалық олимпиада және логика (II–V сынып) (Астана: «Асыл кітап», 2017, 140 б.)
- Математикалық сауаттылық: ҰБТ тест жинағы (Астана: «БиКа», 2019, 120 б.)
ЗЕРДЕЛІ Мектептері
[өңдеу | қайнарын өңдеу]Олимпиадалық дайындық барысында қазақ тіліндегі дидактикалық материалдардың жоқтығы басты кедергі болды. Халықаралық жарыстарға көбіне орыс тілді оқушылар қатысатынын байқаған ұстаз қазақтілді балалардың да әлеуетін дәлелдеуді мақсат етті. Осы ой «ақыл-ой дамыту орталығын» құруға түрткі болды.
Орталық 2013 жылы қыркүйек айында құрылған. Орталықтың мақсаты — оқушылардың жаратылыстану бағытындағы білімін, ағылшын тілі деңгейін тереңдету және шетелден қоныс аударған қазақ балаларына Қазақстанның оқу жүйесіне бейімделуге көмектесу[3].
Ырысбек Мәуіт 2000-жылдардың ортасында дарынды балаларға арналған «Зерде» мектебінде және Л. Гумилев атындағы Еуразия ұлттық университетінде математикадан сабақ берген. Осы кезеңде ата-аналар тарапынан балалардың білімін тереңдететін қосымша орталық ашу қажеттігі жөнінде ұсыныстар түсе бастады. Сонымен қатар профессор Уәлибай Өмірбаевтың олимпиадалық математикаға қабілетті балаларды жүйелі даярлау туралы идеясы ықпал етті[4].
2013 жылы Ырысбек Мәуіт әріптестерімен бірге команда құрып, банктен 2 миллион теңге несие алып, алғашқы 5 оқу кабинеті бар 120 шаршы метрлік орынжайда орталықтың жұмысын бастады. Алғашқы жылы 180 бала білім алды.
2021 жылы алғашқы «Зерделі» мектебі ашылды.
Шәкірттері
[өңдеу | қайнарын өңдеу]Оның шәкірттері халықаралық және республикалық математикалық олимпиадаларда жүлделі орындарға ие болды. Халықаралық математика олимпиадасының (IMO) жүлдегерін дайындап шықты. Сондай-ақ Жәутіков атындағы халықаралық олимпиаданың, Азия–Тынық мұхит математикалық олимпиадасының, Сәтбаев олимпиадасының, «Жібек жолы» халықаралық олимпиадасының, т. б. олимпиадалардың жеңімпаздары мен жүлдегерлерін дайындады[5][6].
Марапаттары
[өңдеу | қайнарын өңдеу]- Үздік педагог атағы (2017 жыл).
- ҚР Білім және ғылым министрлігінің төрт мәрте Құрмет грамотасы.
- «Қазақстан Республикасы Білім беру ісінің құрметті қызметкері» төсбелгісі.
- Астана қаласының әкімдігі мен Білім басқармасының Алғыс хаттары (2012, 2014, 2016, 2017).
- «Қазақстан» РТРК» АҚ Алғыс хаты (2016).
- Дарынды балаларға арналған №9 «Зерде мектебі» «Жыл мұғалімі» атағының иегері (2016).
- «Педагогикалық идеялар фестивалі» республикалық конкурсының І орын иегері (2016).
- Эйлер атындағы VII Математикалық олимпиаданың Алғыс хаты (2015).
- «Астананың жыл мұғалімі» қалалық байқауының жеңімпазы (2012).
- Дарынды балаларға арналған білім беру ұйымдары педагогтарының «Үздік авторлық бағдарлама» республикалық конкурсының жүлдегері (2011, 2013).