Ысмайыл ата мешіті

Уикипедия — ашық энциклопедиясынан алынған мәлімет
Jump to navigation Jump to search

Ысмайыл ата мешіті — діни ғимарат. Қазығұрт ауданы, Тұрбат елді мекенінде орналасқан. Ол ортағасырлық тарихи жәдігер ретінде мемлекет қарауына алынған. Кейбір деректер бойынша, құрылыс бірнеше жеке ғимарат пен қоршау және оның бас қақпасынан тұрған. Ескі мешіт бірақ тозып құлаған. Әйтсе де, оның қосымша құрылысы — шілдехана құлаған мешіт қызметін күні бүгінге дейін атқарып келеді. Жалпы, аталған кешеннен бүгінге жеткені — шілдехана мен сыртқы қоршаудың бас қақпасы ғана. Бас қақпа алдындағы тақтаға «Қазақ КСР. Ысмайыл Ата, сәулет ғимараты XII XIX ғ. ескерткіші» деген жазу жазылған. 2003 жылы Оңтүстік Қазақстан облысының экімі Болат Жылқышиев мешіттің күрделі жөндеуден өтуіне демеушілік жасады. Алғаш салынғанда 9 күмбезі болған мешіт Кеңес үкіметі жылдары жабылғаннан кейін төбесі жарамсыз болып қалғандықтан, қайта түрғызуға мүмкін болмады да, бір күмбездік болып жасалынды. Мешіт көлемі - 572 шаршы метр. Қазір 800 орындық мешітте бес уақыт намаз өтелуде.[1]

Дереккөздер[өңдеу]

  1. Ислам. Энциклопедиялық анықтамалық. Алматы: “Аруна Ltd.” ЖШС, 2010 ISBN 9965-26-322-1