Экологиялық география

Уикипедия — ашық энциклопедиясынан алынған мәлімет
Jump to navigation Jump to search
A.

Экологиялық географиябиогеографияның саласы. Организмдердің география таралуына қазіргі қоршаған ортаның тигізетін әсерін зерттейді. Экологиялық географияның міндетіне жекелеген факторлардың организмдердің география таралуына тигізетін әсері, география ортаның ерекшеліктеріне байланысты ареал ішінде түрлердің таралу заңдылықтары, ендік белдемдер мен биіктік белдеулерді ажыратып, ондағы өсімдік жамылғысы мен жануарлар дүниесінің таралу жағдайларын анықтау, біртекті микроорта (биотоп) кешендерінде дамитын жекелеген биоценоздары бар телімдерге биосфераның бөлінуін, т.б. жан-жақты зерттеу жатады. Қоршаған орта факторларының бірқатары организмдердің жалпы таралуына (ылғал, температуралық режим, т.б.), басқалары организмдердің биоценозаралық таралуына (жарық күші, топырақтың ерекшеліктері, т.б.) әсер етеді. Экологиялық география организмдердің қазіргі таралу заңдылықтарын түсіндіруге мүмкіндігі келмеген жағдайларда тарихи биогеография мәліметтеріне сүйенеді.[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том