Экономикалық зандар

Уикипедия — ашық энциклопедиясынан алынған мәлімет
Навигацияға өту Іздеуге өту

Экономикалық зандар — ішкі, елеулі, орнықты, қайталанып тұратын себеп-салдарлы байланыстар және адамдардың экономикалық қатынастарының тәуелділігі, экономикалық теория дамуының мақсаты, яғни тәжірибe практикалық қызмет негізінде белгіленген, ғылыми зерттеулер жолымен анықталған экономикалық құбылыстар, үдерістер, олардың шамаларымен және көрсеткіштерімен сипатталатын қатынастар арасындағы тұрақты, елеулі байланыстар, өзара тәуелділіктер. Парасатты тірлік иесі ретіндегі адамның табиғаты оның объективті зандармен ғана емес, сондай-ақ адамдардың субъективті еркімен де қамтамасыз етілген экономикалық іс-қылығында да көрініс табады. Экономикалық зандардың объективті сипаты мына мән-жайларға байланысты туындайды:

а) тіршілік игілігі адамдардың еркі мен санасынан тыс өмір сүретін табиғат заттары, заңдары, күштері негізінде және соларды пайдалана отырып өндіріледі;
ә) адамдардың тіршілік харекетінің материалдық негізі — олардың табиғатпен үздіксіз заттар алмасуы; олар осы алмасудың аса маңызды құрамдас бөлігі ретіндегі түтынуды тоқтата алмайды, сондықтан өндірісті өздерінің қалауымен тоқтата алмайды, өндірістің көлемімен және түрлері мен өз бетінше амал-айла жасай алмайды.[1]

Дереккөздер[өңдеу | қайнарын өңдеу]

  1. Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2