Экономикалық қызмет

Уикипедия — ашық энциклопедиясынан алынған мәлімет
Навигацияға өту Іздеуге өту

Экономикалық қызмет – адамның экономикалық игіліктерді өндіру және қызметтер көрсету жөніндегі саналы қызметі.

Негізгі, көмекші және жанама қызметті қамтиды. Кәсіпорынның негізгі қызметіне оның жалпы қосылған құнында көп үлес салмақ алатын өнімдерді өндіру және қызметтерді көрсету жатады. Жанама қызметке негізгі өнімдермен қатар басқа өнімдерді өндіру және қызметтерді көрсету жатады. Көмекші қызметке кәсіпорынның бейөндірістік көмекші бөлімшелерінің қызметі (көлік, қойма шаруашылығы, жабдықты жөндеу, кадрлар даярлау және қайта даярлау, еңбек қорғау, т.б.) жатады. Экономикалық қызмет жасау жолындағы әрекеттерге нақты тауарларды өндіру мен қызметтер көрсету үшін ресурстар (жабдық, жұмыс күші, технологиялар, шикізат, материалдар) жұмылдырылғанда ғана қол жеткізіледі. Экономиканы сипаттау мақсаттары үшін экономикалық қызмет түрлерінің жіктелу құрылымын жасаған жөн, бұл жіктелімде қандай да болсын салада жүзеге асырылатын қызметтің барлық түрлері қамтылуға тиіс. Бұл орайда экономикалық қызмет түрлерінің топтамалары атаулары бойынша осы түрлерге тән саланы құрайтын кәсіпорындардың топтамаларына сай келеді. Аталмыш тұрғыдан алғанда сала Экономикалық қызметтің алуан түрлерінің жиыны болып табылады.[1]

Дереккөздер[өңдеу | қайнарын өңдеу]

  1. Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2