Экономика жәнe бизнес жоғары мектебі (ҚазҰУ)

Уикипедия — ашық энциклопедиясынан алынған мәлімет
Навигацияға өту Іздеуге өту
Экономика және Бизнес Жоғары мектебі
Қазақ ұлттық университеті
Құрылған жылы 1949
Деканы э.ғ.к., Ермекбаева Баян Жундибаевна
Орналасқан жері ҚазҰУ қалашығы, Алматы қ., Әл-Фараби даңғ., 71
Ресми сайты www.kaznu.kz

Экономика және Бизнес Жоғары мектебіӘл-Фараби атындағы Қазақ ұлттық университеті факультеті. 1949 жылы негізі қаланды.

Тарихы[өңдеу | қайнарын өңдеу]

Экономика және бизнес жоғары мектебі спорт, мәдениет және өнер саласында елеулі табыстарға жетті. Экономика және бизнес факультеті Әл-Фараби атындағы ҚазҰУ-нің дербес бөлімшесі ретінде қызмет атқара бастаған кезден бастап студенттер, магистранттар және аспиранттармен тәрбие жұмыстарын жүйелі жүргізіп келеді. Тәрбие жұмыстарының жоспарына сәйкес және студенттер мен жекелеген кафедралардың ұсыныстары бойынша көптеген шаралар ұйымдастырылып өткізілуде. Жыл сайын факультетте тәрбие жұмысының жоспары жасалып, Тілдер мен тәрбие ісі жөніндегі проректордың бекітуіне ұсынылады. Студенттер, магистранттар және аспиранттармен жүргізілетін тәрбие жұмыстарын атқару факультеттің кафедраларына жүктелген. Тәрбие жұмысы кафедра мүшелері мен академиялық топ кураторларының студенттермен тығыз байланыста болуын міндеттейді. Бұл ретте кафедраның міндеті оқу үдерісінің барысына талдау жасау, студенттер арасында жағымды психологиялық ахуал қалыптастыруға, шығармашылық белсенділікті арттыруға, салауатты өмір салтының, тіл мен мәдениеттің насихатталуына атсалысып, қолдау көрсету. Бекітілген жұмыс жоспарына сәйкес факультет келесі үлгідегі тәрбие жұмыстарын өткізуді қолданады:

- студенттердің басшылықпен, кафедра оқытушыларымен кездесуін ұйымдастыру;


- оқу үдерісі мен студенттер үлгерімінің барысына жедел бақылау жүргізіп отыру;

- студенттердің қоғамдық өмірін ұйымдастыру, жиналыстар өткізіп, студенттермен жеке әңгіме жүргізу;


- студенттер мен магистранттарды университет, факультет көлемінде өткізілетін сауықтыру шараларына тарту;

- студенттердің тұрмысын, бос уақытын ұйымдастыруына қажетті көмек көрсету.

Экономика және Бизнес Жоғары мектебі іс-әрекетінің негізгі мақсаты – Елбасы Н.Ә. Назарбаевтың 2009 жылдың 13 қазанында әл-Фараби атындағы ҚазҰУ-де оқыған «Қазақстан дағдарыстан кейінгі кезеңде: болашаққа қарай интеллектуалды серпін» тақырыбындағы дәрісінде және «Жаңа онжылдық – жаңа экономикалық өрлеу – Қазақстанның жаңа мүмкіндіктері» атты Қазақстан халқына Жолдауында қойылған міндеттерді жүзеге асыру болып табылады. Мұнда білім беру қазіргі заманға сай әдістерді қолдана отырып, жоғары дәстүрлі классикалық білім беру негізінде жүргізіледі.

Экономика және Бизнес Жоғары мектебінде 3000-нан астам студенттер дәріс алады, олардың 2800-ден астамы күндізгі бөлімде оқиды. Сонымен қатар, Экономика және Бизнес Жоғары мектебі мамандарды қысқартылған курс бойынша жоғары және орта кәсіптік білім беру базасы негізінде дайындайды. Экономика және Бизнес Жоғары мектебінде оқу барысында студенттер әскери дайындықтан өтеді және жатақханамен қамтамасыз етіледі. Әл-Фараби атындағы ҚазҰУ-дің Экономика және Бизнес Жоғары мектебінің түлектері Президент Әкімшілігінде, Экономика және Бюджеттік жоспарлау Министрлігінде, Қаржы Министрлігінде, ҚР статистикалық агенттігінде, Ұлттық банкте, коммерциялық банктерде, сақтандыру және аудиторлық компанияларда және басқа да қаржылық мекемелерде, сонымен қатар, Қазақстан Республикасының барлық экономика салаларында қызмет атқарады.

Профессорлар мен оқытушылар құрамы[өңдеу | қайнарын өңдеу]

Экономика және бизнес Жоғары мектебі күрделі ғылыми-тәжірибелік мәселелерді шеше алатын ғылыми ұжымға ие. Жоғары мектепте ҚР ҰҒА академигі, э.ғ.д., профессор Сатубалдин С.С., жиырмаға жуық доктор мен профессор, 60-тан астам ғылым кандидаты мен доценттер және жоғары классификациялық практикалық-мамандар Президенттік әкімшілік, Үкімет, Қаржы министрлігі, Экономика және бюджетті жоспарлау министрлігі, Ұлттық банк, Салық комитеті, жүргізуші коммерциялық банк және компаниялар шақырылады. Университет PhD бағдарламасы бойынша шетелдерден Италиядан, АҚШ, Ұлыбританиядан, Жапониядан және т.б. профессорлар шақырылады.

2006 жылы Экономика және бизнес Жоғары мектебінен ЖОО арасындағы ең үздік 10 оқытушы мемлекеттік грантқа ие болды.

Оқу-әдістемелік базасы[өңдеу | қайнарын өңдеу]

Экономика және бизнес Жоғары мектебінің қазіргі заманға сай оқу-әдістемелік базасы, бар, мамандандырылған алты кафедра және ағылшын, француз, неміс тілдерінің озық мамандары еңбек ететін шет тілдері кафедралары бар.

Экономика және бизнес Жоғары мектебінде "Қаржы", "Маркетинг", "Есеп және аудит" мамандықтары бойынша мамандандырылған кабинеттер жұмыс істеуде.

Экономика және бизнес Жоғары мектебінің ұжымы барлық Жоғары Экономика оқу орындарына негіз болып табылатын, барлық экономикалық пәндері бойынша 60-тан астам типтік оқу-әдістемелік бағдарламаларды әзірлеушілердің бірі болып табылады.

Экономика және бизнес Жоғары мектебінің қарамағында ғылыми және оқу-әдістемелік әдебиеттер қоры мен мұражайлық материалдарға бай, Қазақстанға танымал ең көне кітапханасы бар. Студенттер өз сабақтарына арнайы жасақталған оқырман залдарында дайындалады. Сонымен қатар студенттерге, магистранттар мен докторанттарға арналған қазіргі заманға сай компьютерлермен қамтамасыз етілген 5 компьютерлік класс бар. Бұл класта жаңа оқу бағдарламасы жетілдіруде және оқу, лабаратория, семинарлық жұмыс, емтихан тестілік тәртіппен өткізіледі және "Интернет" зал жұмыс істейді.

Профессорлар мен оқытушыларымыз соңғы 5 жылда жарық көрген 1100-нан астам ғылыми және оқу-әдістемелік еңбектердің авторлары. Соның ішіне 30 монография, 40 оқулық пен оқу құралдары, 10 жинақ, сөздік, жүзден астам оқу құрал мен ғылыми мақалалар кіреді.

Экономика және бизнес Жоғары мектебінде қазақ, орыс және шет тілдерінде оқытушылардың, магистрлардың, докторантуралар, ізденушілер және үздік студенттердің мақалалары жарияланатын «әл-Фараби атындағы ҚазҰУ Хабаршысы, экономика сериясы журналы шығып тұрады.

Ақпараттық -техникалық базасы[өңдеу | қайнарын өңдеу]

Экономика және бизнес Жоғары мектебі оқу үдерісі барысында кең қолданылатын және студенттер жаңа үлгідегі компьютерлерде жұмыс істеу мүмкіндігін алған, дамытылған информациялық-техникалық базаға ие.

Ғылыми бағыттар[өңдеу | қайнарын өңдеу]

Негізгі бағыттар

Бизнестің түрлі саларында (экономика, қаржы, маркетинг, менеджмент, кәсіпкерлік) терең тәжірибелік білім алу;

Қолданбалы зерттемелер, технологиялар және жобаларды коммерциализациялау;

Жеке ой-өрісті кеңейту және бизнес жайлы ғаламдық мәлімет алу;

Дәрістерді тыңдау және қазақстандық және шетелдік жетекші ғалымдардан үйрену;

Бүкіл әлемнен бизнес-контакттар алу және халықаралық мансап құру;

Жеке дамуға пайдалы инвестициялау;

Инновациондық мәдениетті дамыту және кәсіпкерлік ортаны қалыптастыруға қолдау жасау.

Кафедралары[өңдеу | қайнарын өңдеу]

Факультетте 4 кафедра қызмет істейді.

Есеп және аудит кафедрасы[өңдеу | қайнарын өңдеу]

әл-Фараби атындағы Қазақ Ұлттық Университетінің Экономика және бизнес жоғарғы мектебінің «Есеп және аудит» кафедрасы 2004 жылдың 27 сәуірінде құрылған. Бұған дейін факультеттің бухгалтерлік есеп мамандары «Маркетинг және жалпы экономикалық пәндер» кафедрасының, ал 2001 жылдың мамырынан бастап «Қаржы және аудит» кафедрасының құрамында жұмыс істеді. «Маркетинг және жалпы экономикалық пәндер» кафедрасының меңгерушісі Нысанбаев Султан Нысанбаевичтің басшылығымен бухгалтерлік есеп және аудит пәндерінен э.ғ.к., доцент Абдыкалыков Тулеген Абдыкалыкович, э.ғ.к., доцент Баймуханова Сария Баймухановна қызмет етті.

Ғылыми зертханалар

Экономикалық зерттеулер орталығы ҚазҰУ Ғылыми мәжілісінің шешімімен 2011 жылы 17 қаңтарда құрылған. ЭЗО мақсаты – оқу орнының профессорлық-оқытушылық құрамын, докторанттарды, магистранттарды және студенттерді тиімді қолдануға негізделген тұрақты жұмыс істейтін ғылыми-зерттеу құрылымын құру және дамыту. Экономикалық зерттеулер орталығының міндеттері:

1) Ғалымдарға, докторанттарға, магистранттарға және студенттерге ғылыми шығармашылықтарына жағдай жасау 2) Қолдау: Ғылыми жобаларды құру мен жүзеге асыру; Ғалымдардың шығармашылық ұжымын ұйымдастыру; Жас ғалымдардың ғылыми потенциалын белсендендіру ; Оқу процесінде ҒЗЖ қолдану; Ғылыми-зерттеу жұмыстарының нәтижелілігін жоғарлату; Дайын ғылыми жобаларды ендіруде ат салысу Ынтымақтастық: бизнес-ұйымдармен; мемлекеттік құрылымдармен; шет елдік әріптестер: университеттер және ғалымдар

Біздің бәсекелі артықшылықтарымыз: Әл-Фараби ат. ҚазҰУ ЭБЖМ көп жылдық білім дәстүрі Бизнес пен мемлекеттік құрылымдарда жұмыс істейтін ЭБЖМ бітірушілері Диссертациялық кеңестің қалыптасқан ғылыми мектептері ҒЗЖ перспективалы бағыттары бойынша біздің ұсыныстарымыз: Комфортты қала Экономикасы : «Ақылды» логистика Табиғатты пайдалану экономикасы ҮЖШ экономикасы Тиімді институционалды құрылыс: Экономикалық қауіпсіздік мәселелері Сыртқы эффектілердің экономикалық теориясы Жемқорлықтың экономикалық мәселелері Электронды (виртуалды) экономика: Интернет-банкинг Интернет магазиндер Электронды ақшалар Ақпараттық қоғам

РФЦА-мен жұмыс істеудің басты бағыттары Қор нарығы бойынша бірігіп зерттеу жүргізу, сонымен қатар нарықтың өзекті мәселелері бойынша ғылыми жұмыстардың жарық көруіне дайындау; Ғылыми ізденістер, зерттеулер және талдау жұмыстары бойынша ақпараттармен алмасу Ғалымдардың ғылыми және білім гранттарын алуына РФЦА көмектесу, РФЦА-мен ұйымдастырылатын конференциялар, форумдар және басқа іс-шараларға жас ғалымдардың, студенттердің қатысуына мүмкіндік беру ЭЗО жұмысын ұйымдастыру бойынша біздің ұсыныстарымыз: ЭБЖМ ғылыми клуб құру ЭЗО ғалымдар ақпаратпен және пікірлермен алмаса алатын орынға айналдыру ЭЗО ақпараттық-аналитикалық сайтын құру Күтілетін нәтижелер: ЭЗО іске қосу және оның жалғастырушылығын қамтамасыз ету ЭЗО нәтижелерін коммерциализациялау арқылы табыс алу Инновационды білім әдістерін ендіру Жоғары импакт-факторы бар басылымдарда ЭЗО нәтижелерін жарыққа шығару

Экономика кафедрасы[өңдеу | қайнарын өңдеу]

Ғылыми жобалар мен зерттеулер

2011 жылдың желтоқсанның 10 жұлдызында ЭБЖМде СҒЗЖ шеңберінде студенттерінің арасында «Дүниежүзілік экономикалық дағдарыстың екінші толқынының Қазақстанға әсері» атты пікірталас өтті. Оны ұйымдастырған экономика кафедрасының оқытушылары Бордоусов О.В. және Рахматұллаева Д.Ж. Пікірталасқа экономика мамандығының Пікірталас 4 кезеңнен құрылды: біріншісінде – топтардың тақырып бойынша баяндамасы, екінші кезеңде – қарсыластардың баяндамасы бойынша 3 сұрақтан қойылды, үшінші кезеңде – топтар бір–біріне тұс–тұстан 5 сұрақтан қойып жауап алды, төртіншісінде – оқытушылар Макроэкономика курсы бойынша негізгі тақырыптарынан әрбір топқа 10 сұрақтан қойды. Пікірталастың нәтижесінде аз ғана артықшылықпен ЭК10Р1 тобы алға шықты.

Қаржы кафедрасы[өңдеу | қайнарын өңдеу]

«Қаржы және несие» кафедрасы 2001 жылдың сәуірінде «Қаржы және несие» және «Бухгалтерлік есеп және аудит» деген екі мамандық бойынша халықаралық стандарттарға сай жоғары білімді мамандарды даярлау мақсатында құрылған еді. Кафедрасы меңгерушісі болып экономика ғылымдарының кандидаты, доцент Ермекбаева баян Жүндібайқызы тағайындалды. Ермекбаева Б. Ж. білімді және жоғары білікті маман әрі ұйымдастырушы ретінде Т. Рысқұлов атындағы ҚазЭУ-ден шақырылды.

Ғылыми бағыттары

Кафедра маман даярлауда екі бағытта жұмыс жасады: 1. «Қаржы және несие» мамандығы бойынша «Банк ісі», «Салық және салық салу», «Қаржы менеджменті» мамандықтарына даярлау жүзеге асады және банктерге, сақтандыру компаниялары мен инвестициялық қорларға жоғары білікті мамандар даярланады. Қаржы министрлігіне, Экономика және бюджеттік жоспарлау министрлігіне, Салық комитетіне, Кедендік комитетке, Қаржылық бақылау комитетіне мемлекеттік қызметкерлерді және түрлі иелік етуші субъектілердің қаржылық қызметіне мамандарды даярлау жүзеге асады. 2.«Бухгалтерлік есеп және аудит» мамандығы бойынша иелік етуші субъектілердің түрлі қалыптары бойынша экономист-бухгалтерлерді дайындайды. Кафедра мынадай бағыттарда мамандар даярлайды: 050509-Қаржы (бакалавриат), 6М050900-Қаржы (магистратура), МВА «Қаржыны басқару». «Қаржы» кафедрасы банк, салық жүйелерінде, сақтандыру компанияларында және түрлі иелік етуші субъектілерде жұмыс жасайтын жоғары білікті мамандарды даярлайтын бітіртуші кафедра болып табылады. Осылайша кафедра жыл сайын жас мамандарды (магистранттарды) дайындау арқылы кафедра мен өз елі үшін жоғары білікті және бәсекеге қабілетті мамандарды даярлауға өз үлесін қосып келеді. Алғашқы түлектер банктерде, фирмалар мен компанияларда жұмыс істейді, жоғары оқу орындарында сабақ береді.

Ғылыми жобалар мен зерттеулер

«Қаржы» кафедрасы факультеттің ғылыми-зерттеу жұмыстарын орындауға үлкен үлес қосты. Ғылыми-зерттеу жұмыстарының нәтижелері жыл сайын халықаралық, республикалық, аймақтық және ғылыми-зерттеушілік конференцияларда талқыланып, түрлі басылымдар арқылы жарық көріп отырады. «Қаржы» кафедрасы ҚР БҒМ ұйымдастырған 2007-2009жж. «Экономиканың нақты секторын қамтамасыз ететін фактор ретіндегі бәсекеге қабілеттілік аясында жаһандану жағдайындағы ҚР ұлттық экономикасының тұрақты дамуы» конкурсына қатысып, тендер ұтып алды. Бұл жобаның ғылыми жетекшісі э.ғ.д., профессор Қазбеков Б. К. болып табылады. «Жаһандану жағдайындағы ұлттық экономиканың тұрақты дамуы» ғылыми жобасының бірнеше түйткілдері зерттелген. Зерттеудің негізгі нәтижелері: қаржылық, несие-экономикалық категориялардың жетілдірілуі, салық жүйесін дамыту, ҚР несиелік жүйесінің жағдайы және оның алдағы уақыттағы дамуы, бюджеттік және бюджеттік емес қарым-қатынастарды жетілдіру, ҚР тұрақты экономикасын дамытудағы қаржы нарығының рөлін арттыру және т.б. Жаһандану және бәсекеге қабілеттілік жағдайында салық тетігін күшейтудің маңызы зор. Ғылыми жобаны қаржыландырудың жалпы көлемі 7,5 млн. Теңгені құрайды.

Ғылыми лабораториялар мен орталықтар

Кафедрада аға оқытушылар Купешова Б.К. және Бекмурзаева Ж.А. басшылығымен студенттерге арналған "Қаржыгер" ғылым үйірмесі жұмыс істейді, онда әр түрлі ғылыми-практикалық конференциялар, дөңгелек столдар және пікірталастарға қатысып көзге түскен, сондай-ақ үлгерімі жақсы және дарынды студенттер қатыса алады. «Қаржыгер» үйірмесінің мақсаты, міндеттері, жұмыс мазмұны:

- Зерттелетін аймақтың ғылыми мәселесі бойынша өзіндік жұмыстың негізін үйрету.

- Әртүрлі экономикалық құбылыстарды сараптау және материалды таңдау негізінде ақпараттық технологияларды қолдана білу. Әдебиеттермен жұмыс істей білу, теориялық білім деңгейін жоғарылату мүмкіндігін беру.

- Өзіндік ғылыми-шығармашылық шешім қабылдауды және тану белсенділігін қалыптастыру.

- Зерттелетін тақырып бағытында студенттік басылымдар. баяндамалар, мақалалар дайындау.

- Ғылыми студенттік конференциялардың өткізілуіне қатысу.

"Қаржыгер" ғылым үйірмесі Отандық және Ресей, Түркия, Германия, АҚШ шетелдерінің ғалымдарының қатысуымен өткен «Қазақстандағы жоғары экономикалық білімнің 60 жылдығына» арналған Халықаралық конференция өткізген болатын.

Менеджмент және маркетинг кафедрасы[өңдеу | қайнарын өңдеу]

Менеджмент және маркетинг кафедрасы «Менеджмент және бизнес» және «Маркетинг және коммерция» кафедраларының бірігуі нәтижесінде 2011 жылы құрылды. «Менеджмент және бизнес» кафедрасы 1995 жылы құрылған, кафедраны ҚР ҰҒА мүшесі профессор Нарибаев К.Н. басқарды. «Маркетинг және коммерция» кафедрасы 1995 жылы қаңтарда маркетолог мамандарының біліктілігін арттыру мақсатымен құрылған. Кафедраның білім, ғылым, өндірістік және инновациялық потенциалы жоғары. Олардың барлығы дерлік заманауи әдіс тәсілдерді қолдану арқылы жоғары квалификациялы білікті мамандарды даярлайды.

Менеджмент және маркетинг кафедрасы аль-Фараби атындағы КазҰУ Ғылыми кеңестерінің және Экономика және бизнес жоғары мектебінің жоспарына сәйкес өз қызметін атқарады. Кафедра қызметі ҚР «Білім» жайлы заңнамасы мен ҚР Үкіметі және Білім және Ғылым Министрлігінің қаулысына негізделген. Менеджмент және маркетинг кафедрасы қызметінің жылдық жұмысы Университет Стратегиясы мен ЭБЖМ даму бағдарламасын жүзеге асыруға бағытталған.

Ғылыми бағыттары

Кафедраның негізгі ғылыми қызмет бағыттары келесідей: :

- ҚР ҒБМ фундаменталды зерттеу жүргізу жұмыс тақырыбы: «Инновациондық маркетинг-логистикалық технологияларды эффективті дамыту негізінде Қазақстанның нақты секторының бәсекелестігін арттыру»;

- ғылыми практикалық конференциаларда қатысу, менеджмент пен маркетингтің актуалды мәселелері жайлы, ҚР даму стратегиялары мен концепциялары жайлы дөңгелек үстелдер ұйымдастыру;

- Монография, оқулықтар мен оқу құралдарды, ғылыми мақалаларды отандық және шет ел журналдарында шығару;

-ҚР және шет ел ғылыми мекемелерімен кафедраның сыртқы қарым қатынасын жақсарту;

- республикалық конкурстар мен конференцияларда қатысу үшін студенттердің ғылыми жұмыстарына жетекшілік ету және т.б..

Ғылыми зерттеулер мен жобалар

Шет ел зерттеу орталықтарымен қарым қатынас

әл-Фараби атындағы ҚазҰУ де Ph.D бағдарламасы бойынша докторанттарды даярлауда кафедра ДЖ Вашингтон (АҚШ) пен Канзаса Университетімен серіктес болып келеді. Мухтарова К.С.: P. Rajekhara Mouly: Jung Wan Lee, (PhD, профессор Бостон университеті) (PhD, профессор Бонстон университеті) Түркия (Стамбул Ұлттық Университеті) журналдарда ғылыми мақалалар мен конференцияларға қатысу формасында тарту.

Әр түрлі жобалармен, конкурс, гранттарда қатысу

Садыханова Г.А. ТЕМПУС халықаралық жобаға қатысты: Entrepreneurial University as a model for proper managerial interrelation among education, science and innovation development

2. Тургинбаева А.Н. Фундаменталды зерттеу бағдарлама тақырыбы: «Қазақстан экономикасының динамикалық дамуының теория-методологиялық негізі» Абай атындағы Университетімен бірге (2011 ж желтоқсан.)

3. «Инновациондық маркетинг-логистикалық технологияларды эффективті дамыту негізінде Қазақстанның нақты секторының бәсекелестігін арттыру» (Жетекші – э.ғ.д., проф. Тулембаева А.Н., орындаушылар: э.ғ.д., профессор И.Ю. Бенке; э.ғ.к., доцент Ж.Т. Кожамкулова; э.ғ.к., доцент А.А. Ережепова; оқытушы Д.Е. Секенова; PhD докторы А.С. Абен; 1 курс докторанты А.Н. Тулембаев.);

4. «Entrepreneurial University as a model for proper managerial interrelation among education, science and innovation development» (жетекші – э.ғ.д., проф. Мухамедиев Б.М. орындаушы: э.ғ.к., доцент Садыханова Г.А.) Ғылыми конференциялар, симпозиум, көрмелер. В первом семестре 2011-2012 оқу жылында кафедра оқытушылары 15 халықаралық ғылыми практикалық конференциялар мен семинарларға қатысты: 1) Халықаралық конференция «Мемлекет экономика дамуының жаңа парадигмасы: интеграция, индустриализация, инновация», ҚР тәуелсіздігінің 20 жылдығына арналған, 8 желтоқсан 2011ж. 2) МНПК «Экономика ғылымының методология, теория мен практикасы», ҚР НАН академигі, әйгілі ғалым экономист Я.А.Аубакировке бағышталған конференция , аль-Фараби атындағы ҚазҰУ, 3 қараша 2011ж. 3) . «менеджмент ғылымының 100 жылдығы» атты халықаралық дөңгелек үстел, аль-Фараби атындағы ҚазҰУ, 16 қараша 2011 ж. 4) Халықаралық форум « зерттеу университеттерін қалыптастыру мен олардың Қазақстан Республикасының инновациялық дамуындағы рөлі», аль-Фараби атындағы ҚазҰУ, 27 қараша 2011ж. 5) аль-Фараби атындағы ҚазҰУ инициативасының қорытындысы ретіндегі форум «Қазақстан тәуелсіздігінің 20 жылдығы – 20 инновация», «Тәуелсіз Казахстан: стратегиялық дамудың жетістіктері мен приоритеттері», аль-Фараби атындағы ҚазҰУ, 5-6 желтоқсан 2011ж. 6) Дөңгелек үстел «Қайта құру – кіші және орта бизнесті жандандыру», Алматы, 21 қазан 2011ж. 7) Круглый стол на тему «Ортаның өзгерісіне байланысты Қазақстандағы Бизнес Білімді қайта құру мен трансформация», 26 қазан 2011ж. – Халықаралық бизнес академиясы. 8) Сапа жөнінде Алматы Халықаралық Форум «Болашақ үшін сапа», 6-8 қазан 2011ж., Қазақстан Республикасы, Алматы қ 9) ЖОО оқытушыларға арналған семинарға қатысу « ӘҚ «Самурық Қазына» әл ауқат қорының компания акцияларын қорға шығарудағы Мемлекеттік бағдарламаның негізгі бағыттары» ( Казахстан, Алматы, 23 желтоқсан 2011ж, сертификат) 10) Сапа жөнінде Алматы Халықаралық Форум «Болашақ үшін сапа», 8 қазан 2011ж., Қазақстан Республикасы, Алматы қ 11) «XXI жүзжылдықта менеджмент дамуының переспективасы: жаңа сапа жолында» Букетов атындағы ҚарМу, 4-5 қараша 2011 ж. 12) «Инновациялық экономиканы дамытуда қаржыны қолдану», Ижевск (Ресей), 26 - 29 қазан 2011 ж., УГУ, Ижевск. 13) «Компания кадр потенциалын дамыту: мәселелері мен шешу жолдары», Ижевск (Ресей), желтоқсан, 2011ж. 14) Халықаралық форум « Зерттеу университеттерін құру мен олардың ҚР инновациялық дауындағы рөлі». 3 сессия жұмысына қатысты «ҒЗЖ коммерциализациялау және технология трансферті» 15) Бірінші Халықаралық ғылыми практикалық конференция «Туристік-рекреационды зона мемлекеттің әлеуметтік- экономикалық дамуының факторы ретінде», ҚР Тәуелсіздігінің 20 жылдығына арналған . «Туран» Университеті, 28-29 қазан 2011 жыл

Спорттық өмір[өңдеу | қайнарын өңдеу]

Әрбiр студент университеттiк спорткомплексте дене тәрбиесi және (үлкен теннис, шейпинг, бокс, волейбол, күрес, шығыс жекпе-жектерi, столда ойналатын теннис, бадминтон және тағы басқалар) спортпен шұғылдана алады.

14-20 қыркүйек - «Сау мақамда әрдайым!» атты салауатты өмiр салтының аптасы!». Бұл апта шеңберiнде факультеттер арасында марафон, спорттың әр түрінде күн сайынғы таңертеңгiлiк бой сергiтулер, жарыстар жүргiзiлдi.

ЭжБЖМ осы барлық шараларды өткiзуге белсене қатысты, құрметтi жүлделi орындар алды.

Сыртқы сілтемелер[өңдеу | қайнарын өңдеу]