Экрем Имамоглудың тұтқындалуы
2025 жылғы 19 наурызда Ыстанбұл әкімі Экрем Имамоглу қамауға алынды. Ол Түркия президенті Режеп Тайып Ердоғанның негізгі саяси қарсыластарының бірі ретінде танымал. Имамоглу мен тағы 100-ден астам адамға пара алу және тыйым салынған Күрдістан жұмысшы партиясымен байланысы бар деген айып тағылды.[1] Сондай-ақ, Ыстанбұл мэриясының бірқатар шенеунігіне мемлекеттік сатып алулар барысында жемқорлық жасады деген айыптар қойылды.[2] Ыстанбұл мэрінің баспасөз хатшысы Мурат Онгун да ұсталды. Тергеу материалдарында Имамоглу «ұйымдасқан қылмыстық топтың жетекшісі» ретінде көрсетілген.[3]
Қамауға алынар алдында Имамоглу Twitter-де мәлімдеме жасады: «Мен мұны қайғыра отырып айтамын. Біздің ұлтымыздың еркіндігін тартып алғысы келген санаулы адамдар менің сүйікті полиция қызметкерлерімді зұлымдық құралына айналдырды. Біз үлкен зорлық-зомбылыққа тап болдық, бірақ беріспейміз. Мен халқымның қолдауына сенемін. Барлығы білсін – мен тік тұрып, күресті жалғастырамын.»[3]
2025 жылғы 18 наурызда Ыстанбұл университеті Имамоглуның жоғары білім туралы дипломын жарамсыз деп таныды.[4] Бұл оның 2028 жылғы президенттік сайлауға қатысуына кедергі келтіруі мүмкін.
Қамауға алынғаннан кейін Ыстанбұлда наразылық шерулері басталды. Билік 23 наурызға дейін митингілер өткізуге тыйым салғанына қарамастан, көшеге шыққандар болды.[2][5]
Дереккөздер
[өңдеу | қайнарын өңдеу]- ↑ Ece Toksabay Imamoglu, the detained Istanbul mayor seen as Erdogan’s key rival (ағыл.) (19 March 2025).
- ↑ a b Студенты вышли на протесты после задержания мэра Стамбула (орыс.) (19 марта 2025).
- ↑ a b NTV: мэра Стамбула задержали в рамках антикоррупционного разбирательства (орыс.) (19 марта 2025).
- ↑ Istanbul University annuls Mayor Ekrem Imamoglu’s diploma (ағыл.).
- ↑ Губернатор Стамбула запретил до 23 марта демонстрации из-за задержания мэра (орыс.) (19 марта 2025).