Электр конвекторы

Электр конвекторы —жылу изоляциясы бар ғимараттарда (қалалардағы пәтерде, жылытылған саяжайда не ауылдық үйлерде) ауаны табиғи конвекция жолымен жылытуға арналған қыздырғыш электр құралы. Ол ішінде қыздырғыш элемент — электрлік кедергісі жоғары (изоляторға бекітілген ашық немесе электр изоляциялық толтырғышы бар болат құбырға престелген, жабық) спираль сым орнатылған, ауа соратын әрі шығаратын еаңылауы бар жалпақ металл қорапша түрінде болады. Электр конвекторын электр желісіне қосқанда спираль қызын айналасындағы ау айы жылытады, жылынған ауа конвектордың жоғары саңылауынан сыртқа шығады. Оның орнына конвектордың төменгі бөлігінен салқын ауа келіп тұрады. Конвектордың қорабы қыздырғыш элементтің қызуын қоршаған ортаға таратады да, жылу берудің конвективтік мөлшерін көбейтеді, әрі ауа ағынын молайтады. Қораптың ішіндегі қыздырғыш элементтің екі жағынан экран қойылады. Ол қыздырғыш элементтің аспайтын қабырғаның қыздыруын бәсеңдетеді. Электр конвекторының қорабындағы саңылау металл не сәндік тормен жабылады, себебі ол қыздыру элементіне тез тұтанғыш заттардың кездейсоқ түсіп кетуінен сақтайды. Электр конвекторының тасымалданатын және түбегейлі орнатылатын еденге қойылатын, не қабырғаға ілінетін және жерге қоюға да іліп қоюға да болатын; қыздырғыш элементі ашық немесе жабық тұратын, қуаты реттелмейтін немесе реттелетін (сатылы айырып-қосқышты не автоматтық жылу реттегішті) түрлері болады. «Комфорт», «Поток-ЗН» және «Салют» электр конвекторлары, сондай-ақ электр конвекторы мен электрон аминді бірге құрастырып жасалған «Салют-3» электр қыздырғыш аспабы шығарылады. «Комфорт» және «Поток-ЗН» еденге қойылатын үлгі де дайындалады, жылжытуға ыңғайлы болу үшін «Поток-ЗН» роликті тиянаққа орнатады; «Салют» қажет болғанда қабырғаға ілуге ыңғайлы етіп жасалған. 220 В айнымалы ток желісінде жұмыс істейтін өте қолайлы жасалған бұл конвекторларды үйдің кез келген жеріне қоюға болады. Пайдалану кезінде конвектор қорабының температурасы 100—110оС -тан, ал шығатын ауа ағынының температура 110—120оС-тан аспайды. Кепілдік қызмет мерзімі —2 жыл.