Элжан Қарабаев

Әлжан Қарабаев(1874, бұрынғы Орынбор облысы,Торғай ауылы ,Жыланшық өзенінің бойы, қазіргі Қостанай облысы,Амангелді ауданы- 1960, сонда) - 1916 жылғы Торғай көтерілісінің батыры, мыңбасы. Әлжан қыпшаққа кіретін алпыс рулар бірлестігінің нәнжіл атасынан шыққан. Торғай қазақтарының Ресей патшасының 1916 жылы маусым жар- лығына қарсы басталған ұлт-азаттық көтерілісін ұйымдастыруға белсене қатысып, Қайдауыл болысы сарбаздарын баскарған. Көтеріліс басшысы Амангелді Имановтың ең сенімді серіктерінің бірі болған. Көтеріліске алғаш 500 сарбазбен келіп қосылған. Торғай қаласына шабуыл кезінде, полковник Тургенев бастаған жазалаушы отрядқа қарсы Күйік қопасындағы, Доғал-Үрпектегі шайқастарда Қарабаев бастаған мыңдық ерекше ерлік көрсетті. Қазан төңкерісінен кейін Қайдауыл болыстық кеңесінің төрағасы (1918-20) болды, Торғай кеңестерінің 1-съезіне делегат болып қатынасты. Кейін әртүрлі басшы шаруашылық жұмыстарын атқарған.