Элизабет Фейнлер

Уикипедия — ашық энциклопедиясынан алынған мәлімет
Навигацияға өту Іздеуге өту
Элизабет Джослин Фейнлер
Elizabeth Jocelyn Feinler
ElizabethFeinler-2011.jpg
Туған күні

2 наурыз 1931 (89 жаста)

Туған жері

Уилинг

Азаматтығы

 АҚШ

Ғылыми аясы

информатика

Жұмыс орны

SRI International, Эймс зерттеу орталығы

Альма-матер

Пардью университеті

Несімен белгілі

ARPANET құрушы

Марапаттары


Интернет Даңқ залы

Элизабет Джослин «Джейк» Фейнлер (ағылш. Elizabeth Jocelyn Feinler) — америнкандық информатика және Интернет саласындағы ғалым. 1972 жылдан 1989 жылға дейін ARPANET желісі үшін екінші IMP торабы орнатылған Стэнфорд ғылыми-зерттеу институтының желілік ақпараттық орталығының директоры болды.

Өмірбаяны[өңдеу | қайнарын өңдеу]

Фейнлер Батыс Вирджиния штатындағы Уилингте дүниеге келді және штаттың Батыс еркін колледжін бітірді. Отбасы мүшелерінің арасында бірінші болып колледжге барды. Фейнлер Пердью университетінің биохимия аспирантурасына түсті. Бірақ қаржы жағдайына байланысты ол диссертацияны қорғауды бір-екі жылға кейінге қалдыруға шешім қабылдады. Огайо штатының Колумбус қаласындағы Американдық химиялық қоғамының химиялық деректер қызметіне жұмысқа орналасты. Ол көптеген химиялық мәліметтермен жұмыс істеді және жүйелеуге қызығушылық танытты. 1960 жылы Фейнлер Стэнфорд университетіндегі зерттеу институтында Калифорниядағы бос жұмыс орны туралы біліп, оның сол мекемеге тапсырған өтініші қабылданды.[1]

Фейнлер әдеби іздеу бөлімінде 1972 жылға дейін жұмыс істеді. Кейін оны Энгельбарт Дуглас ARC (ағылш. Augmentation Research Center) ғылыми орталығына қосылуға шақырды. 1974 жылға қарай ол ARPANET үшін жаңа желілік ақпараттық орталықтың іске қосылуын әзірлеудегі басты ғалым болды. Орталық бастапқыда хаттармен немесе телефонмен байланысқан қолданушыларға адамдар, ұйымдар туралы ақпарат беруге арналған. Содан кейін ол атауларды тіркеуді, түйіндерді бақылауды, аудиторлық ақпаратты, шот-фактуралар туралы ақпаратты және кері байланыс сұрауларын (RFC) таратуды бастады. Фейнлер Стив Кроккермен, Джонатан Постелмен және Джойс Рейнольдспен бірге RFC-ті ARPANET-ке және кейінірек Интернетке арналған техникалық жазбалардың ресми жиынтығы ретінде жасады.[2] [3]

Фейнлердің арқасында домен атауларының заманауи жүйесі дүниеге келді (.com, .gov, .org). 1989 жылы Фейнлер НАСА-ға Эймс зерттеу орталығына жұмысқа ауысты. Ол 1996 жылы зейнетке шығып, 2010 жылы желілік ақпараттық орталығының тарихын жарыққа шығарды. 2012 жылы ол Интернет Даңқ залына кірді.

Дереккөздердер[өңдеу | қайнарын өңдеу]

  1. Oral History of Elizabeth (Jake) Feinler
  2. The Network Working Group
  3. THIERRY BARDINI AND MICHAEL FRIEDEWALD; Chronicle of the Death of a Laboratory: Douglas Engelbart and the Failure of the Knowledge Workshop