Эльза Елтоққызы Ділмұхамедова

Эльза Елтоққызы Ділмұхамедова

1944 жылы 2 ақпанда ӨзКСР Ташкент қаласында туған.Қазақ.

Әкесі - Ділмұхамедов Елтоқ Ділімбетұлы (1903-1990), тарих ғылымдарының докторы болған. Анасы - Джавгарова Лейла Лутфулқызы (1913-2000), терапевт-дәрігер болып жұмыс істеген.

Бүкілодақтық мемлекеттік кинематография институтының ғылыми-көпшілік кино мен телевидение режиссерлері факультетін бітірген (Мәскеу, 1975), ғылыми-көпшілік кино мен телевидениенің режиссері.

Табиғатты қорғауға арналған фильмдердің (1975-1985), 8 фильмнің авторы және режиссері. «Дала сюитасы» (1990), «Таулар мен даланың көнелігі» (1991), «Құрбандық шалу» (үнді-еуропалық және скиф-сақ мәселелері) (1992), «Түркі руникаларының жұмбақтары» (1992), «Мен - еуразиялықпын» (1993), «Из глубины воззвав» (2000), «Еуразия континенті» және тағы басқа тарихи-мәдени тақырыптарға арналған фильмдер циклі.

Орыс, қазақ (ауызекі) және ағылшын (сөздікпен) тілдерін біледі.

1961 жылдан - ҚазКСР-і ҒА ОҒК кітапханашының көмекшісі. 1962 жылдан - С.М.Киров атындағы Қазақ мемлекеттік университетінің студенті. 1967 жылдан - Златоуст қаласы металлургия зауытында зертханашы. 1968 жылдан - ҚазКСР ҒА Кен ісі институтының аға зертханашысы. 1969 жылдан - Қазақ телестудиясында режиссердің көмекшісі. 1970 жылдан - Бүкілодақтық мемлекеттік кинематография институтындағы оқу (Мәскеу қаласы ). 1974 жылдан- «Қазақфильм» киностудиясында режиссер. 1979 жылдан - КСРО Мемкиносы жанындағы режиссерлер мен сценаристердің Жоғарғы курстарындағы оқу (Мәскеу қаласы ).1981 жылдан бері - «Қазақфильм» киностудиясында режиссер (қазіргі - Ш.Айманов атындағы «Қазақфильм» АҚ).КСРО (1975 жылдан), ҚР Кинематографистер одақтарының мүшесі.

«Құрмет» орденімен (2000) марапатталған. Халықаралық кинофестивальдардың (Рига қаласы , 1979; Минск қаласы , 1985), «Мәдениет арқылы бейбітшілікке қол жеткізу» Халықаралық сыйлығының (1994) лауреаты.

Қазақстанның Еңбек сіңірген қайраткері (2007).

Діни көзқарасы - православиелік.

Саяси қайраткер ретіндегі идеалы - Конфуций.

Қазақстанның болашағы туралы болжамы - «Өркендеген еуразиялық мемлекет».

Хоббиі - әдеби және журналистік қызмет.

Сүйіп оқитын әдебиеті - С.Санбаев, А.Құнанбаев, Ш.Уәлиханов, М.Әуезов, Ш.Құдайбердиев, Ф.М.Достоевский,А.Платонов, И.Шмелев, антикалық әдебиет, IV ғасырдың әдебиеті, Ғаламдық соборлардың материалдары.

Жесір. Ұлы - Чекин Алексей Геннадьевич (1973 жылы туған).