Мазмұнға өту

Эндрик

Уикипедия — ашық энциклопедиясынан алынған мәлімет
Эндрик Футбол
сурет
Жалпы мағлұмат
Толық аты

Эндрик Фелипе Морейра де Соуза

Лақап аттары

Бобби (ағылш. Bobby)

Туған күні

21 шілде 2006 (2006-07-21) (20 жас)

Туған жері

Тагуатинга, Бразилия

Азаматтығы

Бразилия

Бойы

173 см

Позиция

Шабуылшы

Клуб жайлы ақпарат
Клуб

Испания Реал Мадрид

Номері

16

Жастар клубы
2016–2022 Бразилия Палмейрас
Клуб карьерасы[* 1]
2022–2024 Бразилия Палмейрас 66 (18)
2024— Испания Реал Мадрид 22 (1)
Ұлттық құрамы[* 2]
2022 Бразилия Бразилия U17 4 (5)
2024– Бразилия Бразилия U23 7 (2)
2023–  Бразилия 14 (3)
  1. ↑ Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. ↑ Ресми матчтарда ұлттық құрамда болған ойындары мен голдар саны.
Бұл үлгіні: көру • талқылау • өңдеу

Эндрик Фелипе Морейра де Соуза (порт. Endrick Felipe Moreira de Sousa; 2006 жылы 21 шілдеде туған, Тагуатинга, Бразилия) — бразилиялық футболшы, «Реал Мадрид» клубы мен Бразилия құрамасының шабуылшысы.

Бастапқы өмірі

[өңдеу | дереккөзін өңдеу]

Эндрик Бразилияның Федералды округіндегі Тагуатинга қаласында дүниеге келген, оның бір ағасы және екі әпкесі бар[1]. Әкесі Дуглас де Соуза Силва Рамос кәсіби футболшы болуға ұмтылған. Эндрик он бір жасында Бразилиа қаласындағы бірнеше шағын клубтарда ойнауға кеткен[1]. Сол уақытта анасы жұмыссыз және үйсіз болғандықтан, Эндрик пен оның бауырлары Сан-Паулу қаласындағы жетімдер үйінде тұруға мәжбүр болды[1]. Кейін ата-анасы қаланың метро станциясындағы кафеде жұмыс істеді, ал әкесі кейіннен Палмейрас клубында еден жуушы болып жұмысқа орналасты[2].

Эндрик төрт жасынан бастап футбол ойнай бастады[3], және оның әкесі баласының голдарын YouTube-қа жүктеп, Бразилиядағы ірі клубтардың назарын аудартуға тырысты[4]. Сегіз жасында ол достарымен бірге Агуас Кларас қаласындағы Реал Мадрид лагерінде жаттықты. Ол Реал Мадрид клубының жанкүйері болып өсті және Криштиану Роналдуны үлгі тұтты[5]. Сондай-ақ, оған Реал Мадрид сапында ойнаған бразилиялықтар — Роналдо, Винисиус Жуниор, Родриго және Эдер Милитао шабыт берген[5].

Клубтық мансап

[өңдеу | дереккөзін өңдеу]

Палмейрас

[өңдеу | дереккөзін өңдеу]

Эндрик Сан-Паулумен келісімге келуге жақын болғанымен, 11 жасында Палмейрас клубының жасөспірімдер командасына қосылды[2]. Келесі бес жылда ол Палмейрас жасөспірімдер командаларында 169 ойында 165 гол соқты[4]. Эндрик 2022 жылғы Жасөспірімдер арасындағы Сан-Паулу кубогына қатысты, онда 7 ойында 8 гол соғып, Палмейрасқа тарихтағы алғашқы титулды әкеліп, жанкүйерлердің дауыс беруімен турнирдің үздік ойыншысы атанды[6][7]. Бұл турнирден кейін ол халықаралық БАҚ пен бірнеше ірі еуропалық клубтардың назарын аударды[8][9][10].

Эндрик 2022 жылы 6 қазанда Палмейрас сапындағы кәсіби дебютін өткізді. Ол Коритиба клубына қарсы ойынның екінші таймында алаңға шықты, матч 4:0 есебімен аяқталды[11]. 16 жас, 2 ай және 16 күнде ол Палмейрас тарихындағы алғашқы командада ойнаған ең жас ойыншы атанды[12]. 25 қазанда Атлетико Паранаэнсе командасына қарсы ойында екі гол соғып, Бразилияның Серия A тарихындағы ең жас гол авторларының бірі болды[13]. 2 қарашада Форталезаны 4:0 есебімен жеңіп, үш тур қалғанда чемпиондықты жеңіп алды. Сол матчта Эндрик гол соқты, ал Палмейрас клуб тарихындағы 11-ші рет лига чемпионы атанды[14]. Маусым соңында Эндрик Серия A-ның ең үміт күттіретін ойыншысы болып танылды[15].

2023 жылы 11 қазанда британдық The Guardian газеті Эндрикті 2006 жылы туған әлемдегі ең үздік жас таланттардың бірі деп атады[16]. 6 желтоқсанда Крузейромен 1:1 есебімен тең ойнап, Эндриктің голының арқасында Палмейрас қатарынан екінші рет чемпион атанды. Эндрик маусымды 11 голмен аяқтап, Серия A тарихындағы 18 жасқа толмаған ойыншылар арасында Роналдодан кейінгі екінші үздік көрсеткішке ие болды[17].

2024 жылғы 16 мамырда Эндрик 2024 жылғы Либертадорес кубогы турниріндегі Индепендьенте дель Валье командасына қарсы матчта оң аяғынан жарақат алып, алаңнан зембілмен әкетілді. Кейінірек ол толық медициналық тексеруден өтті[18].

Реал Мадрид

[өңдеу | дереккөзін өңдеу]

2022 жылы 15 желтоқсанда Испанияның Ла Лигасында ойнайтын Реал Мадрид клубы Палмейрас, Эндрик және оның отбасымен келісімге келгенін және футболшы 2024 жылы шілде айында, яғни 18 жасқа толған кезде клубқа қосылатынын ресми түрде хабарлады[19]. Келісімнің ресми құны клубтар тарапынан жарияланбады, бірақ бұқаралық ақпарат құралдарының мәліметінше, бұл – 60 миллион еуро көлеміндегі негізгі сома мен 12 миллион еуро салықты қамтитын, ұзартуға болатын үш жылдық келісімшарт болды[20]. Дегенмен, кейбір басқа дереккөздер келісімшарт сомасын 35 миллион еуро деп көрсетіп, қалған 25 миллионы нақты спорттық мақсаттарға жеткен жағдайда төленетінін хабарлады[21].

2024 жылы 19 шілдеде Реал Мадрид Эндрикпен алты жылдық келісімшартқа қол қоятынын растады[22]. Бірнеше күннен кейін, 27 шілдеде ол Сантьяго Бернабеу стадионында жаңа ойыншы ретінде таныстырылды[23]. 25 тамызда Эндрик Ла Лигадағы дебютін Реал Вальядолид клубына қарсы өткізді. Бұл ойында Реал Мадрид 3:0 есебімен жеңіске жетіп, Эндрик 86-минутта алаңға шығып, үшінші голды соқты[24]. Осылайша, ол клуб тарихында Ла Лигада гол соққан ең жас шетелдік ойыншы атанды (18 жас және 35 күн), алдыңғы рекорд Рафаэль Варанға тиесілі еді (18 жас және 152 күн)[25].

Ұлттық құрамадағы мансабы

[өңдеу | дереккөзін өңдеу]
Эндрик Бразилия ұлттық құрамасы сапында, 2024 жыл

Эндрик Бразилия ұлттық құрамасына алғаш рет 2023 жылы 6 қарашада шақыртылып, 2026 жылғы Әлем чемпионатының іріктеу матчтарында Колумбия және Аргентинаға қарсы ойнауға таңдалды[26][27].

Эндрик Бразилия үшін алғашқы голын 2024 жылы 23 наурызда Уэмбли стадионында Англияға қарсы жолдастық ойында соқты. Осылайша ол бұл атақты стадионда клуб немесе ұлттық құрама сапында гол соққан ең жас ойыншы атанды[28]. Үш күннен кейін, 26 наурызда, Испаниямен өткен 3:3 есебімен тең аяқталған ойында Эндрик ұлттық құрама үшін екінші голын соқты[29]. 10 мамырда ол 2024 жылғы Америка кубогына қатысу үшін Бразилия құрамасына шақыртылды[30]. Топтық кезеңде үш рет алмастырушы ретінде алаңға шыққаннан кейін, Эндрик ширек финалда Уругвайға қарсы ойында алғаш рет негізгі құрамда алаңға шықты.

Жеке өмірі

[өңдеу | дереккөзін өңдеу]

2024 жылдың 23 наурызында Англияға қарсы ойында Бразилия құрамасының жеңіс голын соққаннан кейін, Эндрик марқұм ағылшын шабуылшысы Бобби Чарльтонға ерекше ықыласпен қарайтынын айтты. 2024 жылдың 8 қыркүйегінде Бразилия және Реал Мадрид шабуылшысы Родриго командаластары Эндриктің Чарлтонға деген сүйіспеншілігін білгеннен кейін оны қалжыңдап "Бобби" деп атай бастағандарын айтты[31].

2024 жылдың қыркүйегінде Эндрик өзінің сүйіктісі Габриэли Мирандаға үйленді[32][33].

Жетістіктері

[өңдеу | дереккөзін өңдеу]

Командалық

[өңдеу | дереккөзін өңдеу]

Палмейрас

  • Бразилия Серия А чемпионы: 2022, 2023
  • Бразилия Суперкубогының иегері: 2023
  • Сан-Паулу чемпионы: 2023, 2024

Реал Мадрид


Дереккөздер

[өңдеу | дереккөзін өңдеу]
  1. 1 2 3 Endrick: 'People say I have a heart of ice and I'm very cold with decisions' (ағыл.). The Guardian. The Observer. (10 December 2023). Тексерілді, 10 сәуір 2025.
  2. 1 2 Endrick: Brazilian, 15, matching Neymar and attracting attention from Europe's leading clubs (ағыл.). BBC. BBC. (8 February 2022). Тексерілді, 10 сәуір 2025.
  3. ↑ Club officially announce they have sold £62m Arsenal & Liverpool target to European giants  (ағыл.) (15 December 2022).
  4. 1 2 Quién es Endrick Felipe, el delantero brasileño de 12 años que fascina a la FIFA (исп.). Clarín (Argentine newspaper). (21 January 2022). Басты дереккөзінен мұрағатталған 11 қазан 2022. Тексерілді, 10 сәуір 2025.
  5. 1 2 Endrick: My parents wanted to name me Di Stefano (ағыл.). MARCA. (7 July 2023). Басты дереккөзінен мұрағатталған 14 шілде 2023. Тексерілді, 10 сәуір 2025.
  6. ↑ Franceses se juntam a Real Madrid e ingleses para observar joia do Palmeiras; veja por que assédio não preocupa clube paulista(pt-br). ESPN (Brazil). (18 January 2022). Басты дереккөзінен мұрағатталған 10 қазан 2022. Тексерілді, 10 сәуір 2025.
  7. ↑ Ambrósio, Tauan. Endrick: Brazil's new €45m wonderkid has European giants fighting over him  (ағыл.) (28 January 2022).
  8. ↑ Man City dealt Erling Haaland 'blow' as Gary Lineker hails 'special' Brazilian teenage sensation  (ағыл.), Manchester Evening News (21 January 2022).
  9. ↑ FC Barcelona Want To Sign 15-Year-Old Brazilian Wonderkid (ағыл.). Forbes. (13 January 2022). Басты дереккөзінен мұрағатталған 6 қазан 2022. Тексерілді, 10 сәуір 2025.
  10. ↑ Barça to step up scouting of Endrick as Palmeiras eye semifinal  (ағыл.) (19 January 2022).
  11. ↑ Contagem regressiva! Palmeiras goleia Coritiba e abre 12 pontos na liderança(pt-br). Globo. (6 October 2023). Басты дереккөзінен мұрағатталған 28 қараша 2022. Тексерілді, 10 сәуір 2025.
  12. ↑ Endrick se torna o atleta mais jovem a jogar pelo Palmeiras na história (pt-br) (6 October 2022).
  13. ↑ Endrick se torna segundo mais jovem a marcar na história do Campeonato Brasileiro; veja top-10 (pt-br).
  14. ↑ Endrick scores as Palmeiras wins 11th Brazilian soccer title  (ағыл.) (3 November 2022).
  15. ↑ A closer look at Endrick  (ағыл.), Real Madrid CF (15 December 2022).
  16. ↑ Next Generation 2023: 60 of the best young talents in world football (ағыл.). The Guardian. (11 October 2023). Басты дереккөзінен мұрағатталған 12 қазан 2023. Тексерілді, 10 сәуір 2025.
  17. ↑ Real Madrid signing Endrick breaks Neymar's record. The Real Champs. (7 December 2023). Басты дереккөзінен мұрағатталған 7 желтоқсан 2023. Тексерілді, 10 сәуір 2025.
  18. ↑ Cortegana, Mario. Endrick to undergo tests after leaving Palmeiras game on stretcher  (ағыл.), The New York Times (16 мамыр 2024).
  19. ↑ Official Announcement: Endrick  (ағыл.), Real Madrid CF (15 December 2022).
  20. ↑ De La Fuente, Homero. Real Madrid signs 16-year-old Brazilian striker Endrick from Palmeiras for reported $63.6 million fee  (ағыл.), CNN (15 December 2022).
  21. ↑ Ruiz, Marco. Endrick to join Real Madrid for €35 million  (ағыл.), Diario AS (12 December 2022).
  22. ↑ Official Announcement: Endrick's unveiling (ағыл.). Real Madrid CF. (19 July 2024). Басты дереккөзінен мұрағатталған 25 шілде 2024. Тексерілді, 10 сәуір 2025.
  23. ↑ Tearful Endrick unveiled as Real Madrid player (ағыл.). Sky Sports. (27 July 2024). Тексерілді, 10 сәуір 2025.
  24. ↑ Victoria en el regreso al Bernabéu (исп.). Real Madrid CF (in Spanish). (25 August 2024). Тексерілді, 10 сәуір 2025.
  25. ↑ Endrick atinge marca com gol relâmpago em estreia no Real Madrid (порт.). ge. (26 August 2024).
  26. ↑ Fernando Diniz convoca Seleção Brasileira para jogos das Eliminatórias(pt-BR). Confederação Brasileira de Futebol. (6 қараша 2023). Басты дереккөзінен мұрағатталған 6 қараша 2023. Тексерілді, 11 сәуір 2025.
  27. ↑ Brazil summons teenage sensation Endrick for World Cup qualifiers (ағыл.). AP News. (6 қараша 2023). Басты дереккөзінен мұрағатталған 7 қараша 2023. Тексерілді, 11 сәуір 2025.
  28. ↑ McNulty, Phil. Teenager Endrick fires Brazil to win over England  (ағыл.), BBC Sport (23 наурыз 2024).
  29. ↑ Spain 3–3 Brazil, Yamine Lamal And Endrick Star In Classic Battle (ағыл.). Forbes. (27 March 2024). Тексерілді, 11 сәуір 2025.
  30. ↑ Dorival Júnior anuncia convocados para a Copa América(pt-BR). Confederação Brasileira de Futebol. (10 мамыр 2024). Басты дереккөзінен мұрағатталған 16 мамыр 2024. Тексерілді, 11 сәуір 2025.
  31. ↑ Endrick's surprising tribute to Charlton has Brazilians calling him 'Bobby' (ағыл.). AP News. (9 қыркүйек 2024). Тексерілді, 11 сәуір 2025.
  32. ↑ Endrick gets married (ағыл.). Tribuna.com. (16 September 2024). Тексерілді, 11 сәуір 2025.
  33. ↑ Botija, Julio Real Madrid player gets married... at 18!(en-us). AS USA. (16 қыркүйек 2024). Тексерілді, 11 сәуір 2025.

Сілтемелер

[өңдеу | дереккөзін өңдеу]
«https://kk.wikipedia.org/w/index.php?title=Эндрик&oldid=3473051» бетінен алынған