Эрванд Владимирович Севортян
Эрванд Владимирович Севортян (22.10.1901 жылы туған Ялта) - кеңес түркологы, филология ғылымының докторы, профессор, Түркі тілі қоғамының корреспондент мүшесі.
Өмірі[өңдеу | қайнарын өңдеу]
Қырым педагогикалық институтының Шығыс бөлімін (1930), Ленинградта Тіл білімі институтының аспирантурасын бітірген (1935). Содан бері Мәскеудің ғылыми - зерттеу институттары мен жоғары оқу орындарында тіл білімі саласында ғылыми - педагогикалық жұмыстар атқарады және КСРО ҒА тіл білімі институтының түркі тілдері секторының аға ғылыми қызметкері. Бұған қоса, Мәскеу мемлекеттік университетінде түркі филологиясынан сабақ береді. Ол түркі тілдеріндегі сөздердің морфологиялық құрылмы, сөз таптары, грамматика мен лексиканың, сөз тудыру мен сөз түрлендірудің, сөз тіркесі мен сөйлемнің арақатысы, түркі тілдерін салыстыра зертеу, фонетика және этимология туралы ғылыми - зерттеу жұмыстарын жүргізді.
Еңбектері[өңдеу | қайнарын өңдеу]
Оның "Түрік әдеби тілінің фонетикасы" (1955), "Азербайжан тіліндегі етістік тудыру аффикстері "(1966), "Азербайжан тілінде есім тудыру аффикстері" (1966), "Түркі тілдерінің этимологиялық сөздігі" атты еңбектері бар.
Қолданылған әдебиет[өңдеу | қайнарын өңдеу]
Қазақ Совет энциклопедиясы, 1976 жыл, Алматы,10 том, 96 бет