Эрвин Шарф

Уикипедия — ашық энциклопедиясынан алынған мәлімет
Jump to navigation Jump to search

Эрвин Шарф(29.08.1914 жылы туған-1994)- Австрия жұмысшы және коммунистік қозғалысының қайраткері. 1934 жылы социал - демократиялық партияға кірді. Австрияны фашитік Германия аннексиялаған жылдары (1938-45) Югославия халық азаттық әскерінің құрамындағы австриялық "бостандық батальонының" қатарында фашист басқыншыларына қарсы күреске қатысты. Шарф прогресшіл социалистер бірлестігін ұйымдастырды, ол кейіннен Австрия социалды жұмысшы партиясы (АСЖП) деп аталды. Шарф оның председателі болып сайланды. 1956 жылы шілдеде АСЖП Австрия Коммунистік партиясымен (АКП) біріккеннен кейін, ол АКП ОК Саяси бюросының мүшесі болып сайланды. 1957 - 65 жылдары Компартияның орталық органы "Volksstimme" газетінің бас редакторы. 1965 жылы мамырдан АКП ОК - нің хатшысы. 1974 жылы ақпаннан Компартияның теориялық органы "Weg und Ziel" журналының бас редакторы.

Қолданылған әдебиет[өңдеу]

  • Қазақ Совет энциклопедиясы, 1978 жыл, Алматы,12 том, 195 бет