Этникалық шектеу

Этникалық шектеу, Этношектеулік - өз этносының шеңберінен тыс байланыстарға баруға құлықсыздық.

Бұл әдетте моноэтникалық отбасын құруға ғана талпынудан, бірэтникалық ұжымдарда жұмыс істеуді дұрыс көруден, жетекші лауазымды орындарының барлық деңгейінде билік тізгінін тек өз ұлтының өкілдерінің қолына ұстатып, монополиялаудан көрініс табады.

Іс жүзінде кез келген, әсіресе, өз ұлттық-мемлекеттік немесе ұлттық-аумақтық автономиясы барлары этникааралық келісімнің бұзылуына апаратын бұл "аурумен" ауырады.