Юлдаш Абдуқадирұлы Азаматов

Юлдаш Абдуқадирұлы Азаматов

Юлдаш Абдуқадирұлы Азаматов

1947 жылы 8 маусымда Алматы облысының Жәркент қаласында туған. Ұйғыр.

С.М. Киров атындағы Қазақ мемлекеттік университетінің журналистика факультетін (1971) журналист мамандығы бойынша; КОКП ОК жанындағы Қоғамдық ғылымдар акедемиясын (Мәскеу қаласы, 1986) идеология қызметкері мамандығы бойынша бітірген.

ҚР Журналистер академиясының академигі (2001). «Жоғалған пышақ» (1977), «Ядикардың атасы» (1980), «Үміт» (1984) әңгімелер мен повестер жинағының авторы; «XX ғасырдың көрнекті тұлғалары» (2005), «Оның өмірден еткеніне сене алмайсың» (2008), «Ғалым, публицист, тұлға» (2009) редакторы-құрастырушысы. 300-ден астам мақалалар мен жарияланымдардың авторы. 1965 жылдан - Алматы облысының Панфилов аудандық газетінің әдеби қызметкері. 1966 жылдан - С.М. Киров атындағы Қазақ мемлекеттік университетінде оқиды. 1971 жылдан - Республикалық «Коммунизм туги» (қазіргі «Уйгур авази») газетінің тілшісі , бөлім меңгерушісі , бас редактордың орынбасары болып істеді. 1984 жылдан - КОКП ОК жанындағы қоғамдық ғылымдар академиясының тыңдаушысы. 1986 жылдан - Қазақстан Компартиясының Алматы облыстық комитетінің жауапты қызметкері. 1987 жылдан бері - «Уйгур авази» республикалық қоғамдық-саяси газетінің бас редакторы. Қазақстан халқы ассамблеясының мүшесі (1996). Қазақстан Қазақстан жазушылар одағының және Журналистер одағының мүшесі (2003). Қазақстан ұйғырлары республикалық мәдени орталығының шығармашыл зияткерлермен жұмыс кеңесінің төрағасы (2003). «Қазақстан Республикасының тәуелсіздігіне 10 жыл» (2001), «Ерен еңбегі үшін» (2002) медальдарымен марапатталған. Қазақстан Журналистер одағы сыйлығының лауреаты (1978). Қазақстанның Еңбек сіңірген қайраткері (2007). Алматы облысы Панфилов ауданының Құрметті азаматы.

Сүйіп оқитын әдебиеті - классика, саяси қайраткерлердің мемуарлары, психологиялық детективтер.

Үйленген. Жұбайы - Азаматова Гүлчихра Әлімжанқызы, үй шаруасымен айналысады. Қызы - Саида; ұлдары - Рустам, Назим. Немерелері - Карим, Малика, Тимур.