Юлиа Штегнер
Юлиа Штегнер (немісше Julia Stegner) - алман моделі. Алманияның Мюнхен қаласында 1984 жылы 2 қарашада туған.
Қысқаша өмірбаяны[өңдеу | қайнарын өңдеу]
Юлиа LSI Corporation ұйымының Орталық және Шығыс Еуропа бөлімінің директоры Гүнтер Штегнер (Günter Stegner) мен есеп маманы Эрика Штегнер (Erika Stegner) отбасында дүниеге келген. Үлкен апасы Джанет кино саласында қызмет етеді. Алғашында жасөспірім Юлиа коммерциялық радиобағдарламалар мен балалар каталогына жұмыс істеген. Одан бөлек, тоғыз жыл бойына би өнерін үйренген.
Құрбыларының арасында жасынан ұзын бойымен ерекше болған Орта мектеп жасында Юлианың баскетбол ойнына қызығушылығы артып, ол Мюнхен қаласындағы баскетбол клубтарының біріне қабылданады.
Октоберфест (Oktoberfest) фестивалінде ол Луиза фон Минквицпен (Louisa von Minckwitz) танысады. Бұл кездесу оның болашағын модель ісіне арнауына шешуші әсер етеді. Louisa Models агенттігі оған келісім-шарт ұсынады. Бұл кезде оның жасы 15-те еді.
Кәсіби мансабы[өңдеу | қайнарын өңдеу]
Тұңғыш рет Парижде Elle журналынан көрінген Юлиа 2003 күзінде Ив-Сен Лоран (Yves Saint Laurent) шоуының тұсауы кесті. 2004 жылға дейін Штегнер Celine, Yves Saint Laurent, Dolce & Gabbana, Ralph Lauren, және Dior үшін жұмыс істеп үлгерді.
Штегнер Aquascutum, Guerlain KissKiss, Hugo Boss Eyewear, the Hugo Boss perfume, мен Femme-нің бас моделі қызмет атқарған. 2009 жылы ол Mercedes Benz бас моделі болып жұмыс істеді.
Негізгі көлігі ретінде велосипедті таңдаған.