Юмореска

Уикипедия — ашық энциклопедиясынан алынған мәлімет
Jump to navigation Jump to search

Юмореска (немісше Numoreske, Numor – әзіл) – музыкада көңілді, әдетте ойнақы, әзіл түрінде жазылған шағын музыкалық пьеса. Бұл жанрды алғаш енгізген Р.Шуман. Оның фортепьяноға (1839) және фортепьянолық триоға (1842) арналған юморескалары бар. Кейінірек 19 ғасырдағы көптеген композиторлар “Юмореска” терминін жеке, сонымен қатар шағын топтамалық, көбіне фортепьянолық пьесаларды атауға қолданды, әрі олар бұған Шуманнан гөрі басқаша мазмұн берді. Юморесканы Э.Григ (1865, фортепьяноға арналған юмореска), А.Дворжак (1894, фортепьяноға арналған 8 юморескасы), П.И. Чайковский (1872, фортепьяноға арналған екі пьеса), С.В. Рахманинов (1894, фортепьяноға арналған “Салондық пьесалары”), т.б. жазды. 20 ғасырда камералық оркестр үшін О.В. Тактакишвили, Р.К. Щедрин қалам тартты. Қазақ музыкасында юмореска жазғандар – композитор Л.Хамиди мен Н.Тілендиев.[1][2]

Дереккөздер:[өңдеу]

  1. Қазақ энциклопедиясы, 10 - том
  2. Қазақ әдебиеті. Энциклопедиялық анықтамалық. - Алматы: «Аруна Ltd.» ЖШС, 2010.ISBN 9965-26-096-6