Юрий Александрович Шапорин

Уикипедия — ашық энциклопедиясынан алынған мәлімет
Jump to navigation Jump to search

Шапорин Юрий Александрович (8. 11. 1887, Сумы облысы, Глухов,—9. 12. 1966, Мәскеу) — орыс композиторы, КСРО халық артисі (1954).

Санкт-Петербург университеті (1913) мен консерваториясын (1918, Н. А. Соколовтың композиция класы бойынша) бітірді. 1919—34 ж. Ленинград театрларында дирижер болып, музыкалық бөліміне жетекшілік етті әрі спектакльдерге музыка жазды. Ол — «Декабристер» операсының (1953), «Куликово даласында» симфония кантатасының (1939), ораториялардың, циклдік романстардың (Пушкин, Тютчев, Блок сөздеріне жазылган), вокальдық лириканың т. б. авторы. Шалорин шығармашылығы орыс музыкалық классика дәстүрімен тығыз байланысты. 1939 жылдан Мәскеу консерваториясында (профессор, 1940) ұстаздық етті. Шәкірттері: Р. А. Жұбанова, Е. Ф. Светланов, Р, К. Щедрин, Р. М. Яхин т. б. 1952 жылдад КСРО Композиторлар одағының секретары. Кеңес бейбітшілік қорғау комитетінің мүшесі (1955). КСРО Мемлекеттік сыйлығының лауреаты (1941, 1946, 1952). Ленин орденімен және басқа 2 орденімен медальдарымен марапатталған.[1]

Дереккөздер[өңдеу]

  1. Қазақ Ұлттық энциклопедиясы