Юрий Федорович Лисянский

Уикипедия — ашық энциклопедиясынан алынған мәлімет
Jump to navigation Jump to search
Юрий Федорович Лисянский

Юрий Федорович Лисянский (1773 жыл 2 тамыз, Нежин - 1837 жыл 22 ақпан, Санкт-Петербург) - орыс теңізшісі, 1-рангілі капитан (1809).

Өмірі[өңдеу]

1786 жылы Теңіз кадет корпусын бітірген. 1788-1790 жылдары орыс-швед соғысына қатысып, 1790-1793 жылдары Балтық флотында қызмет етті. 1803-1806 жылдары «Надежда» және «Нева» кемелерінен құралған орыстың Жер шарын айналып шығу экспедициясына қатысты. Ол «Нева», И.Ф.Крузенштерн «Надежда» кемесінің командирі болды. 1803 жылы тамызда бұлар Кронштадттан шығып, Гавай аралдарына жетті; одан әрі «Надежда» Камчаткаға, «Нева» Аляскаға бағыт алды. Лисянский Аляскада жылдан астам уақыт болды. Қайтқан сапарында екі кеме Кантон портында кездесіп, Оңтүстік Африка жағалауына дейін бірге барып, одан әрі тағы да бөлінді. Ол Тынық мұхиттың онша мәлім емес аудандарын зерттеп, теңіз ағыстарын, су температурасын анықтады; жағалауға гидрографиялық сипаттама жазды. Бірнеше аралдарды ашты; 1806 жылы Кронштадтқа оралды. 1809 жылы қызметтен кетті.

Лисянский туралы[өңдеу]

Сахалиндегі тау, Охота теңізіндегі түбек, Гавай аралдары тобындағы арал Лисянский есімімен аталады.[1]

Дереккөздер[өңдеу]

  1. Қазақ Совет Энциклопедиясы, Алматы, 1974ж., 7 том