Ядролық зиян үшін азаматтық жауапкершілік туралы Вена конвенциясы

Уикипедия — ашық энциклопедиясынан алынған мәлімет
Навигацияға өту Іздеуге өту

Ядролық зиян үшін азаматтық жауапкершілік туралы Вена конвенциясыхалықаралық шарт. 1963 ж. 29 сәуір мен 19 мамыр аралығында Венада өткен халықарарaлық конференцияда қабылданған. Аргентина, Боливия, Египет, Камерун, Куба, Нигер, Перу, Трининдад пен Тобаго, Югославия қатысты. 1977 ж. 12 қарашада күшіне енді. Конвенция атом энергиясын бейбіт мақсатқа пайдалану барысында келтірілген зиянның орнын толтыру мәселелерін реттейді және мүше-мемлекеттерге халықарaлық-құқықтық маңызы бар бірқатар анықтамалар (ядролық материалдар, ядролық отын, ядролық қондырғы, ядролық кикілжің, ядролық зиян, қондырғы операторы, т.б.) береді. Атап айтқанда ядролық қондырғының операторына осы қондырғы үшін жауап беретін, мемлекет тағайындаған және мойындаған тұлға ретінде анықтама берілген. Конвенцияда ядролық зиян үшін жауапкершілік шектеусіз және тиісті қондырғының операторы осы жауапкершілік жүктелетін тұлға болып табылатыны көзделген. Мұның мәнісі зардап шеккен тарапқа ядролық қондырғы операторының қатесінен немесе өрескел салақтығынан зиян келтірілді деп дәлелдеудің қажеті жоқ деген сөз. Әрбір мемлекет өз операторларының жауапкершілігін оқиға үшін кемінде 5 млн. доллар сомасында шектейді және мұндай жауапкершілік мөлшері сақтандырылу жолымен немесе басқадай қаржылық қамсыздандыру арқылы өтелуге тиіс. [1]

Дереккөздер:[өңдеу | қайнарын өңдеу]

  1. Қазақ энциклопедиясы, 10 - том