Яков Васильевич Ушанов
| Яков Васильевич Ушанов | |
| Туған күні | |
|---|---|
| Туған жері |
Воронеж губерниясы |
| Қайтыс болған күні | |
| Қайтыс болған жері |
Усть-Каменогорск |
| Азаматтығы |
Рессей империясы |
Ушанов Яков Васильевич (1894, Воронеж губерниясы,-7.11.1918)- Өскемен университетінде Совет өкіметін орнату және нығайту жолындағы күрескер, уездік Совет аткомының председателі, 1917 жылдан Компартия мүшесі. Ол 1-дүние жүзіндегі соғысқа қатынасып, 1917 жылы қарашада Өскеменге оралды. 1917 жылы желтоқсанның 1-жартысында оның баршылығымен большевиктердің Өскемен қ-лық дербес ұйымы құрылды. Өскемен большевиктері қалалық Советті келісімпаз, ұсақ буржуазияшыл партиялар өкілдерінен тазарту, еңбекшілер бұқарасын Совет өкіметі жағына тарту үшін қажырлы күрес жүргізді. Осы мақсатпен жұмысшылар мен қала гарнизоны солдаттары, қазақ ауылы мен қазақ станицасы еңбекшілерінің арасындағы рев. үгіт күшейтілді. Қала жұмысшыларынан Қызыл гвардия отрядын жасақтау ісі де қолға алынды. Осындай қиын да күрделі жұмыстарды Ушаков басқарды. Я.В.Ушаков басқарған большевиктердің жетекшілігімен 1918 жылы 28 ақпанда Өскеменде Совет өкіметі орнады. Совет өкіметі орнаған соң уездік Совет аткомының председателі болып сайланған ол Шығыс Қазақстанда Совет өкіметін нығайту ісіне және ол өңірдегі соц.құрылыстың алғашқы қадамдарына іскерлікпен басшылық етті. Алайда ол 1918 жылы 11 шілдегі контррев. төңкерісте ақ гвардияшылардың қолына түсіп, 1918 жылы 7 қарашада ақ гвардияшыл жендет-атаман Анненковтың бұйрығы бойынша Өскемен мен Семей аралығында, Ертіс ө.үстінде «Монғол» пароходының пешіне тірідей тасталып, азапталып өлтірілді. Өскемен қаласында Ушановқа қойылған ескерткіш және оның атында көше бар.
Дереккөздер
[өңдеу | қайнарын өңдеу]Қазақ энциклопедиясы