Ялқұнжан Сатывалдыұлы Баратов

Уикипедия — ашық энциклопедиясынан алынған мәлімет
Навигацияға өту Іздеуге өту



Ялқұнжан Сатывалдыұлы Баратов
Дүниеге келгені:

1947 мамыр
Алматы облысы Ұйғыр ауданының

Кетпен ауылы
Мансабы:

ҚР Табиғи монополияларды реттеу

жөніндегі агенттігінің Алматы қаласы бойынша департаментінің директоры

Ялқұнжан Сатывалдыұлы Баратов 1947 жылы 15 мамырда Алматы облысы Ұйғыр ауданының Кетпен ауылында туған. Ұйғыр.

Әкесі - Баратов Сатывалды, ҐОС ардагері, ҚазКСР Жоғарғы Кеңес депутаты, Ґйғыр, Көген аудандарының атқару комитеттерінің төрағасы, облыстық Мемлекеттік сақтандыру басқармасының бастығы болған.

В.И. Ленин атындағы Қазақ политехникалық институтының металлургия зауыттарының механикалық жабдығы фа- культетін (1970) «Металлургия зауыттарының механикалық жабдығы» мамандығы бойынша; Жоғары партия мектебін (1989) бітірген.

«Құбырлы пештердің оттық қаламасын бұзуға арналған құрылғы» өнертабысының авторы (1971). Ґйғыр, орыс және қазақ (ауызекі) тілдерін біледі. 1970 жылдан - В.И. Ленин атындағы Қазақ политехникалық институтының кіші ғылыми қызметкері. 1971 жылдан «Жолқурылысматериалдары» тресі өндіріс бөлімінің аға инженері (Алматы қ.). 1974 жылдың сәуірінен - Алматы жол белгілері зауытының учаске шебері. 1974 жылдың шілдесінен - «Қазжөндеуқұрылысмаш» тресі басқарушысының орынбасары (Алматы қ.). 1978 жылдан - Алматы жөндеу-механика зауытының директоры. 1981 жылдан - Қазақстан Компартиясы облыстық комитетінің көлік және байланыс бөлімінің бастығы. 1985 жылдан - Қазақстан Компартиясы Еңбекшіқазақ аудандық комитетінің хатшысы, 1987 жылдан - екінші хатшысы. 1988 жылдан - Еңбекші қазақ аудандық кеңесі атқару комитетінің төрағасы. 1991 жылдан - Алматы облыстық жаңа экономикалық құрылымдарды қолдау және монополистік қызметті шектеу жөніндөгі комитетінің төрағасы.

2008 жылдан бері - ҚР Табиғи монополияларды реттеу жөніндегі агенттігінің Алматы қаласы бойынша департаментінің директоры. «Ерен еңбегі үшін» (1981), «Ерен еңбегі үшін» (2001) медальдарымен марапатталған.

Әскери атағы - запастағы капитан. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Гүлдену». Хоббиі - спорт.

Үйленген. Жұбайы - Баратова Сахинур Абуковна. Ұлы - Саид, қызы - Мехрибан.[1]

Дереккөздер[өңдеу | қайнарын өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2