Ян Шверма

Уикипедия — ашық энциклопедиясынан алынған мәлімет
Jump to navigation Jump to search
Ольшанск моласындағы Ян Швермаға арналған мұнара

Ян Шверма (Sverma)(23.03.1901, Мнихово - Градиште, 10.11.1944) - чехословак және халықаралық коммунистік қозғалысының қайраткері. Чехословакияның ұлттық батыры.

Өмірбаяны[өңдеу]

Прагадағы гимназияны, одан кейін Карлова университетінің заң факультетін бітірді. 1921 жылдан Чехословакия Коммунистік партиясының (ЧКП), Жастардың коммунистік одағының (ЖКО) мүшесі. 1924 жылы ЖКО ОК - нің мүшесі болып сайланды. 1929 жылдан ЧКП ОК мен ЧКП ОК Саяси бюросының мүшесі. 1935 жылдан Коминтерн Аткомының (КИАК) мүшелігіне кандидат. 1935-38 жылдапы Чехословакия Ұлттық жиналысының депутаты. 1936-38 жылдары ЧКП- нің Орталық органы "Rude Pravo" газетінің бас редакторы, Мюнхен келісімінен (1938) кейін ЧКП ОК оны ЧКП- нің Париждегі шетелдік бюросына жұмысқа жіберді. Франция фашистік Германиядан жеңілгеннен кейін (1940) КСРО - ға келді. К.Готвальдпен, ЧКП - нің басқа да қайраткерлерімен бірге чех және словак халықтарының фашист басқыншыларына қарсы күресін басқарды. Шверма - Чехословакияның тарихы, ұлт мәселесі жөніндегі еңбектердің т.б. авторы.

Сыйлықтары[өңдеу]

1969 жылы тамыз айында (өлгеннен кейін) Швермаға ЧССР - дің Батыры атағы берілді. Ленин орденімен марапатталған.

Қолданылған әдебиет[өңдеу]

  • Қазақ Совет энциклопедиясы, 1978 жыл, Алматы,12 том, 219 бет