Яшев

Яшев Химан (21.07.1926 жылытуған, Жамбыл ауданы Берікқара ауылы) – еңбек ардагері. Қапланбек зооветеринарлық техникумын (1943), Мәскеудегі Бүкілодақтық а. ш. институтын (1956) сырттай оқып бітірген. А. ш-ғы ғылыми кандидаты. 1943 – 1945 ж. 2-ші дүниежүзілік соғысқа қатысты. Еңбек жолын Жамбыл ауданындағы «Майтөбе» қеңшарында зоотехник болып бастаған ол соғыстан оралған соң, «Майтөбе» кеңшарының партия комитетінің хатшысы, Билікөл ауылы директорының орынбасары болып істеді. 1951 жылы Мәскеудегі кеңшар директорларын дайындайтын Бүкілодақтық мектепті бітіргеннен кейін, Ақмола облысындағы Вишневский кеңшарының директоры болып тағайындалып, 1966 жылы дейін ауданы территориялық-өндірістік басқарманың бастығы, Ақмола облысы а. ш. басқармасы бастығының бірінші орынбасары болды. 1966 – 1970 ж. Жамбыл облысы а. ш. басқармасы бастығының орынбасары, 1970 – 83 жылдары Жамбыл облысы а. ш. тәжірибе стансасының директоры, 1983 – 1993 жылдары Шу ауданындағы «Шоқпар» астық кеңшарының директоры. Қазан Революциясы, Еңбек Қызыл Ту, ІІІ дәрежелі Даңқ, ІІ дәрежелі Отан соғысы, 2 рет «Құрмет белгісі» ордендерімен, медальдармен, Қазақ КСР Жоғарғы Кеңесінің Құрмет грамоталарымен марапатталған.