Ғабдолғали Балғымбаев

Уикипедия — ашық энциклопедиясынан алынған мәлімет
Навигацияға өту Іздеуге өту

Ғабдолғали Балғымбаев 1866 жылы 20 сәуірінде Торғайдан 50-60 шақырым жердегі Тұзды ауылында дүниеге келген.Ол 1883 жылы Ыбырайдың ақылымен Орынбор қырғыз мұғалімдер мектебіне түсіп, 1886 жылы 16 қыркүйекте №2 куәлікпен бітірген.Осы жылы Ыбырай Алтынсарин оны Қостанай 2 кластық училищесіне мұғалім көмекшісі болып қызмет істеуге шақырады. Ғ.Балғымбаев 1907-1917 жылдары Торғай облыстық халық училищелерінің инспекторы болып қызмет етеді.Осы кезде оның бастамасымен Торғай және Ырғыз уездерінде 2 орыс-қазақ училищесі ашылады.Сондай-ақ Ақтөбе уезіндегі 2 кластық Қарабұтақ училищесінің меңгерушісі (1892-1902), «Торғай облысының ведомостволары» газетінің редакторы (1902-1907) болды.Торғай халық училищесінің директоры М.П.Рогинскийдің «Қырғыздың ауыл мектептеріне арналған Әліппе»жазуына(1905) көмектесті.Мектептегі ғылыми пәндерге,сабақтың көрнекілігіне,оқудың тәжірбиемен байланыстырылуына ерекше мән беріп,дене шынықтыру,еңбек тәрбиесі сабақтарын оқу жоспарына енгізді.Революциядан кейін халықты сауаттандыру ісіне белсене қатысты.Ғ.Балғымбаев патшалық Ресейдің қазақ жерінен ашқан баустауыш мектептері мен орыс-қазақ училищелерінің мұғалімі,училище меңгерушісі,Торғай облыстық басқармасының аудармашысы,Торғай облыстық басқармасының іс жүргізушісінің көмекшісі,Торғай облысының баспасөз бөлімнің бастығының қызметін уақытша жүргізуші,Орынбор ғылыми мұрағаттық комиссиясының 1903 жылдан тұрақты мүшесі,1902-1903 жылдары «Торғай» газетінің редакторы,Орынбор округтік сотының аудармашысы сияқты басқа да келелі қызметтер атқарған.Ғ.Балғымбайұлы Орынбор Оқу округінен 6 мәрте ағарту саласындағы қажырлы қызметі үшін алғыс алған.[1]

  1. "Аңыз Адам" журналы:INTELLSERVICE баспасы,No17(77) Қыркүйек 2013 жыл,52 бет,Алматы қаласы,Масанчи көшесі,78 үй