Ғабдол Сланов

Ғабдол Сланов
Туған күні	15 қыркүйек 1911 (1911-09-15)
Туған жері	Атырау облысы, Қызылқоға ауданы
Қайтыс болған күні	17.02.1969.
Қайтыс болған жері	Алматы
Азаматтығы	Қазақстан
Ұлты	Қазақ
Мансабы	жазушы
Жанры	роман
Шығармалардың тілі	Қазақша
Дебюті	"Арман ағысы" повесі
Марапаттары	«Құрмет» ордені

Ғабдол Сланов (15 қыркүйек 1911(19110915), Атырау облысы, Қызылқоға ауданы - 17 ақпан 1969, Алматы) - жазушы.

• 1928 — 31 ж. Мақат мұнай кәсіпшілігінде, Қазақстан Жер халық комиссариатында қызмет етті.
• 1931 - 57 ж. Қазіргі "Егемен Қазақстан" газетінде әдеби қызметкер, бөлім меңгерушісі, Жамбыл Жабаевтың әдеби-мемориалдық музейінің директоры, "Қазақ әдебиеті" газетінде қызмет еткен. Алғашқы өлең, фельетон, очерктері баспасөзде 30-жылдары жариялана бастады. Тұңғыш "Арман ағысы" повесі
• 1940 ж. жарық көрді. Ауылдағы әлеуметтік өзгерістерге арналған "Дөң асқан" (1941, орыс тілінде - 1965), Атырау мұнайшыларының 2-дүниежүзілік соғысы жылдарындағы қажырлы еңбегін суреттейтін "Жанартау" (1945) романдары басылды. Соғыстан кейінгі ауыл өмірінің тыныс-тіршілігін көрсететін "Кең өріс" повесін (1949) қайтадан өңдеп, толықтырып "Шалқар" романына (1953; орыс тілінде - М., 1953) айналдырды. Бұл романда 50-жылдардағы ауыл еңбеккерлерінің сан алуан бейнесі жасалды.

Ғ.Сланов ұзақ жылдар бойы Қарғалы шұға комбинатының өмірін зерттеп, Жетісу өңірінде көп ұлтты жұмысшы табының қалыптасу тарихын бейнелейтін "Acaу арна" (1963; орыс тілінде - 1971) романын жазды. Өнер тақырыбын сөз ететін "Домбыра күйі - Ақиық" (1960), ауыл өмірінен алынған "Қызбел" (1960) повестері жарык көрді. "Айқайтас" атты аяқталмаған романы жазушы шығармаларының 6 томында жарияланды. Әр алуан тақырыпқа арналған көптеген очерктері "Өмірдің асқар биігінде" (1940), "Бесжылдық өрендері" (1951), "Замандастар" (1958), "Азамат" (1966), "Замана шежіресі" (1970), "Алтай баласы" (1973) жинақтарында жарияланды. "Махамбет" атты пьесасы (1956) республика театрлары сахналарында қойылды. Жекелеген шығармалары орыс тіліне аударылған. А.Фадеевтің "Жас гвардия" романын (1947) қазақ тіліне аударды. "Құрмет белгісі" (1945) орденімен және медальдармен марапатталған.