Ғабит Мұхамбетұлы Мұхамбетов

Ғабит Мұхамбетұлы Мұхамбетов 1977 жылы 23 наурызда Қарағанды облысы Сәтбаев қаласында туған. Қазақ. Әкесі - Көпеев Мұхамбет Жұманазарұлы (1949 жылы туған), Қазақстан Республикасы Парламенті Сенаты төрағасының орынбасары. Анасы - Абылаева Қаламқас Абылайқызы (1950 жылы туған), аудитор, «BDO Қазақстан-аудит» компаниясының Астана қаласы және Ақмола облысы бойынша өкілі. Әл-Фараби атындағы Қазақ Мемлекеттік ұлттық университетінің халықаралық экономикалық қатынастар факультетін (1999) экономист, халықаралық экономикалық қатынастар саласындағы мамандыгы бойынша; қазақ мемлекеттік заң академиясының құқықтану факультетін (2001) заңгер мамандығы бойынша бітірген. Экономика ғылымдарының кандидаты (2003), докторы (2008). «Экономикадағы құрылымдық қайта құруларды мемлекеттік реттеудің тұжырымдамалық аспектілері», «Мемлекеттік қарызға алуды жергілікті инфрақұрылысты дамыту үшін қолдану», «Жергілікті атқарушы органдардың қарызға алуын мемлекеттік реттеудің проблемалары жөнінде», «Жергілікті атқарушы органдар жобаларын инвестициялау кезіндегі тәуекөл түрлері», «Атырау облысы инфрақұрылысын дамыту үшін муниципалды қарыз алудың тиімділігі», «Аймақтар инфрақұрылымды қаржыландыруды жетілдіру» мақалаларының авторы. қазақ, орыс, ағылшын және түрік тілдерін біледі. «Нұр Отан» ХДП мүшесі (2007 жылдан). 1994 жылдан - әл-Фараби атындағы қазақ Мемлекеттік ұлттық университетінің студенті. 1997 жылдан - «Казкоммерц Секьюритиз» ААҚ Сауда және инвестициялар департаментінің қаржылық талдаушысы (Алматы қаласы). 1998 жыл- дан - «NOVA-Қорғасын» ЖШС коммерциялық директоры (Қарағанды қаласы). 1999 жылдан - «Қазақстандық стандарттау, метрология және сертификаттау орталығы» РМК мониторинг және сыртқы байланыстар бөлімінің маманы (Астана қаласы). 2000 жылдың қаңтарынан - Қазақстан Республикасы Энергетика, индустрия және сауда министрлігінің Стандарттау, метрология және сертификаттау комитетінде техникалық саясат, стандарттау және мемлекеттік қадағалау бөлімінің бас маманы; 2000 жылдың қарашасынан - заңды және қолданбалы метрология бөлімінің бастығы. 2001 жылдың сәуірінен - Қазақстан Республикасы Қаржы министрлігінің Мемлекеттік қарызға алу департаментінде мониторинг және талдау басқармасы тәуекелдерді бақылау бөлімінің бастығы. 2001 жылдың маусымынан - Қазақстан Республикасы қаржы министрлігінің Мемлекеттік қарызға алу департаментінде Мониторинг және талдау басқармасы жергілікті атқарушы органдардың міндеттері мен талаптары бөлімінің бастығы. 2002 жылдан - Қазақстан Республикасы Экономика және сауда министрлігінің Стандарттау, метрология және сертификаттау комитеті Стандарттау, метрология және сертификаттау басқармасының бастығы. 2003 жылдан - «Қазақстан метрология институты» РМК бас директоры (Астана қаласы). 2005 жылдан бері - Қазақстан Республикасы Индустрия және сауда министрлігі (қазір Қазақстан Республикасы Индустрия және жаңа технологиялар министрлігі) техникалық реттеу және метрология комитетінің төрағасы. 2011 жылдың қаңтарынан бері - Қарағанды облысы әкімінің орынбасары. «Қазақстан Парламентіне 10 жыл» (2006), «Астананың 10 жылдығы» (2008) медальдарымен; Стандарттау, метрология және сертификаттау жөніндегі мемлекетаралық кеңестің құрмет белгісімен (2007) марапатталған. Діни көзқарасы - ислам. Саяси қайраткер ретіндегі идеалы - Н.Ә.Назарбаев. Қазақстанның болашағы туралы болжамы - «Құқықтық дамыған мемлекет». Хоббиі - спорт, кітаптар. Сүйіп оқитын әдебиет - шетел және қазақ әдебиеті. Үйленген. 4 баласы бар.