Ғайса Батыргерейұлы Хұсайынов
Ғайса Батыргерейұлы Хұсайынов (10 сәуір 1928, Өтеген ауылы, Башқұртстан) - башқұрт кеңес ғалымы, сыншысы. 1958 жылдан КОКП мүшесі.
Өмірбаяны[өңдеу | қайнарын өңдеу]
Филология ғылымының докторы (1970), профессор (1974). Шаруа отбасында туған. Башқұрт педагогикалық институтының тіл - әдебиет факультетін (1951) бітірген. 1951 - 54 жылдары Мәскеудегі М.Горький атындағы дүние жүзі әдебиеті институтының аспирантурасында оқыған. 1954 жылдан КСРО ҒА-сының Башқұрт филиалының Тарих, тіл және әдебиет институтында әдебиет секторының меңгерушісі. Оның әдеби сын - мақалалары 1949 жылдан жариялана бастады.
Еңбектері[өңдеу | қайнарын өңдеу]
Алғашқы кітабы ("Башқұрт совет поэзиясының кейбір мәселелері") 1957 жылы жарық көрді. "Сәйфі Құдаш творчествосы" (1959), "Халық ақыны Нәшид Ниғмәти" (1960), "Дәут Юлтый" (1963), "Халық ақыны Мұстай Кәрім" (1965), "Башқұрт совет поэзиясының өсу жолдары" (1968), "Саяхат дәптері" (1976) атты кітаптары басылып шықты. 10 - сыныпқа арналған башқұрт әдебиеті оқулығының авторы.[1]
Дереккөздер[өңдеу | қайнарын өңдеу]
- ↑ Қазақ Совет энциклопедиясы, 1978 жыл, Алматы,12 том, 62 бет