Ғалия Базылбекқызы Мырзақанова

Ғалия Базылбекқызы Мырзақанова 1956 жылы 9 қарашада Қостанай облысының Таранов ауданындағы Белинский кеңшарында туған. Қазақ. Әкесі - Байқадамов Базылбек Ыдрысұлы (1912-2000), кеңшар басқарушысы, мұнай базасының бастығы болған. Анасы - Байқадамова Күлтай Нысанбайқызы (1916-1996), есеп жұмыскері, үй шаруасымен айналысқан. Қарағанды металлургиялық комбинатының жанындағы зауыт- ЖТОО-ны құрылыс-инженерлік факультетін бітірген. Қазақ және орыс тілдерін біледі. 1981 жылдан - «Торғайауылқұрылыс-15» тресі жобалау- сметалық тобының инженері (Арқалық қаласы). 1983 жылдан - Қостанай облысы Краснооктябрь кеңшары құрылыс учаскесінде шебер. 1985 жылдан - Арқалық қаласы қалалық атқару комитетінің күрделі құрылыс бөлімінде техбақылау инженері, бас инженер, бөлім бастығы. 1994 жылдан - Торғай облыстық әкімшілігі Бас күрделі құрылыс басқармасының бастығы. 1997 жылдан - Арқалық қаласы әкімі жанындағы «ОКС» ҚМК директоры. 2005 жылдан - Қостанай облыстық «Қостанай облысы сәулет-құрылыс мемлекеттік бақылау басқармасы» ҚБ бастығы. 2006 жылдан бері - Қарағанды облыстық құрылыс басқармасының бастығы. «Қазақстан Республикасының тәуелсіздігіне 10 жыл» (2001) медалімен марапатталған. Қазақстан Республикасы Құрметті құрылысшысы (2009). Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Қазақстан әлем елдерінің үздік жиырмалығында болады». Тұрмыста. Жұбайы - Мырзақанов Қайдар Кәрімұлы. қыздары - Дариға (1984 жылы туған), Нәзира (1988 жылы туған). Немересі - Алмас (2008 жылы туған).