Ғалымов Аманкелді

Ғалымов Аманкелді (10.12.1944 жылы туған, бұрынғы Жалпақтал ауданы, Еламан ауылы) — ғалым, география ғылым кандитат (1979), профессор (1996), Қазақ КСР білім беру ісінің үздігі (1987). Орал педагогика институтының жаратылыстану-география факультетін (1971), М.Ломоносов атындағы Мәскеу мемлекеттік университетінің аспирантурасын бітірген (1979). 1971 жылдан Орал педагогика институтында (қазіргі Батыс Қазақстан мемлекеттік университетінде) ассистент, аға оқытушы, жаратылыстану-география факультеті деканының орынбасары (1980-81) қызметін атқарды. 1981 жылдан алдымен экономикалық география, кейіннен география кафедрасының меңгерушісі. 55 ғылым еңбегі негізінен Батыс Қазақстан аймағындағы облыстардың экология мәселелерін зерттеуге арналған. Бірнеше медальмен марапатталған.