Ғани Мұратбаевтың мемориалдық мұражайы — Қызылорда облысы, Қазалы ауданындағымұражай, 1968 жылы 7 қарашада ашылды.
Бұл мұражай XIX ғасырдың II жартысында Сібірден әкелінген ағаш бөренелерден салынған орыс саудагерінің үйі болған, кейін Кеңес үкіметі орнаған жылдары Еңбекшілер депутаттары Қазалы қалалық Кеңесінің кеңсесі орналасқан ғимарат берілді. 1981-1984 және 1991-1992 жылдары қосымша құрылыстар салынып, мұражай ғимараты кеңейтілді. Ғани Мұратбаевтың 75, 80, 90, 100 жылдық, мұражайдың 30, 40 жылдық мерейтойлары республикалық деңгейге аталды. Мұражайдың кіреберіс залында Ғанидің гипстен жасалған бейнесі қойылған. І және ІІ залы Ғани туған өлкенің тарихына арналады. ІІІ-VI залдар экспозициясы оның балалық шағы мен қызмет еткен уақыты туралы. VII зал Ғаниді ақтық сапарға шығарып салу сәтіне және Ғанидің замандастары мен ізбассарларына арналған. Ең соңғысы Тәуелсіздік зал болып табылады. Онда Елбасы мен Елбасының бағадараламары, рәміздер Желтоқсанның құрбандары, қазақтың тұңғыш ғарышкерлері және Астана туралы фотосуреттер мен мәліметтер берілген.
